ఈ ప్రపంచంలో మనల్ని మోసం చేసేవాళ్లు అడుగడుగునా కనిపిస్తారు.మోసం చేసేవాళ్లు అమాయకుల వలె ఉంటారు కానీ తెలివిగా మనల్ని దోచేస్తారు.
కొన్నిసార్లు వారి చేతుల్లో తెలియకుండానే మోసపోతాం.చివరికి బెగ్గర్లు( Beggars ) కూడా మోసం చేసి డబ్బులు కాజేస్తుంటారు.
తాజాగా అలాంటి ఓ బిచ్చగాడి వీడియోలో ప్రముఖ మైక్రో బ్లాగింగ్ సైట్ ఎక్స్ (ట్విట్టర్)లో వైరల్గా మారింది.ఈ బిచ్చగాడు కారు దగ్గరకు వాకింగ్ స్టిక్స్( Walking Sticks ) సాయంతో నెమ్మదిగా నడుస్తూ డబ్బు అడుగుతున్నాడు.
ఇతను పిల్లోడే కానీ కాలు నొప్పితో నడుస్తున్నట్లు అద్భుతంగా యాక్ట్ చేస్తున్నాడు.
కానీ, ఆశ్చర్యకరమైన విషయం ఏమిటంటే, కారులో ఉన్న వ్యక్తి బాలుడికి 50 రూపాయలు ఇస్తూ, “ఇప్పుడు నా కోసం పరుగెత్తు.” అని అంటాడు.అంతకు ముందు నెమ్మదిగా నడుస్తున్న ఆ భిక్షగాడు, ఆ మాట వినగానే వెంటనే పరుగు పెట్టడం ప్రారంభిస్తాడు.
అతడి హిడెన్ టాలెంట్ చూసిన ప్రతి ఒక్కరూ షాక్ అవుతారు.
ఈ వైరల్ వీడియోను( Viral Video ) కారులో ఉన్న వారు చిత్రీకరించారు.ఆ భిక్షగాడు అంత వేగంగా పరుగు పెట్టడం చూసి అందరూ బిగ్గరగా నవ్వారు.ఈ వీడియో చూసిన చాలా మందికి ఇది చాలా ఫన్నీగా అనిపించింది.
కానీ, కొంతమంది భిక్షగాళ్లు ఇతరులను మోసం చేసి డబ్బు సంపాదించడానికి ఎంత దూరమైనా వెళ్తారు అని మండిపడ్డారు.ఈ వీడియో సోషల్ మీడియాలో వైరల్ అయిన తర్వాత, చాలా మంది తమ అభిప్రాయాలను తెలియజేశారు.
కొందరు ఈ సంఘటనను నమ్మలేకపోయారు.ఇంకొందరు ఈ సంఘటన వల్ల మనం జాగ్రత్తగా ఉండాలని అర్థమైందని చెప్పారు.
ఈ వీడియో మనకు ఒక ముఖ్యమైన పాఠం చెబుతోంది.అది ఏమిటంటే, అందరూ సహాయం అడిగితే నిజంగానే వారికి సహాయం అవసరం అని అనుకోకూడదు.
