ఆ ముసలి నక్కా అతనేనా హరీషా...పూర్తిగా చెప్పే దమ్ము లేదా ?

హరీష్ శంకర్( Harish Shankar ) గురించి ప్రత్యేకంగా చెప్పాల్సిన పనిలేదు.ఇతను మిరపకాయ్, గబ్బర్ ‌సింగ్, దువ్వాడ జగన్నాథం సినిమాలతో టాప్ డైరెక్టర్ అయిపోయాడు.

తెలంగాణ నుంచి సినిమా ఇండస్ట్రీలో అడుగుపెట్టిన అతి తక్కువ మంది డైరెక్టర్లలో హరీష్ శంకర్ కూడా ఒకరు.అయితే టాలీవుడ్ ఇండస్ట్రీలో ఆంధ్రుల డామినేషన్ ఎక్కువగా ఉంటుంది.

ఇతర రాష్ట్రాల వాళ్లు ఇక్కడ రాణిస్తుంటే కొన్ని బ్యాచుల తొక్కేస్తుంటాయి.హరిష్ శంకర్ లాంటి టాలెంటెడ్ డైరెక్టర్లు మాత్రం భారీ హిట్స్‌తో మంచి పొజిషన్‌కు చేరుకుంటారు.

ఈ దర్శకుడు ఇప్పటికే రెండో మూడో హిట్లు ఇచ్చాడు.అయితే సినిమాల పరంగా హరీష్‌ శంకర్ చాలా టాలెంటెడ్ కానీ వ్యక్తిగతంగా మాత్రం చాలా వీక్.

పెద్దగా సహనం ఉండదు.ఓర్పు కూడా శూన్యం.

అంత పెద్ద డైరెక్టర్ అయినప్పటికీ రివ్యూయర్లపై విమర్శలు చేస్తుంటాడు.తనకు వ్యతిరేకంగా ఎవరైనా ఆర్టికల్ రాస్తే వారిపై ఆగ్రహం వ్యక్తం చేస్తాడు.

కొన్ని నెలల క్రితం ఈ దర్శకుడు పవన్ కల్యాణ్ తో కలిసి "ఉస్తాద్ భగత్ సింగ్"( Ustad Bhagat Singh ) సినిమా స్టార్ట్ చేశాడు.ఇది 2025లో రిలీజ్ అయ్యే అవకాశం.

ఈ గ్యాప్ లో రవితేజతో కలిసి "మిస్టర్ బచ్చన్" సినిమా( "Mr.Bachchan" movie ) మొదలు పెట్టాడు.ఈ మూవీ ప్రమోషన్స్ జోరుగా సాగుతున్నాయి.

ఈ నేపథ్యంలో హరీష్ శంకర్ ఒక షాకింగ్ ట్వీట్ చేశాడు."రిలీజ్ దగ్గర పడుతుంది కదా… ఏం పోస్ట్ చేసినా భయపడి తగ్గుతాడు అని… ఒక ముసలి నక్క మళ్ళీ మొదలు పెడుతోంది.

దయ చేసి అలాంటి అపోహలు పెట్టుకోవద్దని మనవి.నా జోలికొస్తే రేపు రిలీజ్ అయినా వదలను!!!" అని ఒక ట్వీట్ చేశాడు.

అయితే ఇక్కడ ముసలి నక్క అని అతడు ఎవరిని ఉద్దేశించి అన్నాడు అనేది ప్రస్తుతం చర్చనీయాంశంగా మారింది.