ప్రపంచ వ్యాప్తంగా బొల్లి వ్యాధి క్రమంగా పెరుగుతూ వస్తోంది.దీని బారిన పడిన వారు బయటికి రాలేక ఇబ్బంది పడుతుంటారు.
శరీరంపై తెల్లటి మచ్చలు కనిపిస్తుంటాయి.దీని వల్ల శరీరం అక్కడక్కడా తెల్లగా ఉంటుంది.
అయితే దీని వల్ల అనారోగ్య సమస్యలు తలెత్తకపోయినప్పటికీ చర్మం అలా మారిపోవడంతో దాని వ్యాధిగ్రస్తుల్లో ఆత్మనూన్యతా భావం ఏర్పడుతుంది.ఇది ఒకరి నుంచి ఇతరులకు వ్యాపించే అవకాశం ఉండదు.
అయినప్పటికీ దీనిని నిర్మూలించే మందులు లేవు.అయితే తాజాగా ఈ వ్యాధిని తగ్గించే ఓ మందు అందుబాటులోకి వచ్చింది.
ఇది సత్ఫలితాలను ఇస్తున్నట్లు ప్రయోగాల్లో తేలింది.దీనికి సంబంధించిన ఆసక్తికర విషయాలిలా ఉన్నాయి.
అమెరికాలోని ఫుడ్ అండ్ డ్రగ్ అడ్మినిస్ట్రేషన్ ఇటీవల బొల్లి చికిత్స కోసం వినియోగించే రుక్సోలిటినిబ్ (ఒప్జెలురా) 1.5% క్రీమ్కు ఆమోదం తెలిపింది.బొల్లి అనేది ఒక చర్మ వ్యాధి.ఇది వస్తే చర్మం దాని వర్ణద్రవ్యం కోల్పోతుంది.వర్ణద్రవ్యం నాశనమైనప్పుడు లేదా కొన్ని కారణాల వల్ల పనిచేయడం ఆగిపోయినప్పుడు ఆ ప్రాంతంలో తెల్లగా చర్మం మారిపోతుంది.బొల్లికి ఎటువంటి నివారణ లేదు, అయినప్పటికీ అందుబాటులో ఉన్న మందుల సహాయంతో దాని లక్షణాలను కొంతవరకు తగ్గించవచ్చు.
బొల్లి అనేది స్వయం ప్రతిరక్షక వ్యాధి, ఇది చర్మానికి రంగును అందించే కణాలను ప్రభావితం చేయడం ప్రారంభిస్తుంది.దీని కారణంగా చర్మంపై మచ్చలు ఏర్పడతాయి.
అటువంటి రోగనిరోధక కణాలు ఏర్పడటం ప్రారంభిస్తాయి.ఇవి మెలనోసైట్లను నాశనం చేయడం ప్రారంభిస్తాయి.మెలనోసైట్లు చర్మానికి రంగును ఇచ్చే కణాలు.బొల్లి అత్యంత సాధారణ రకాన్ని నాన్-సెగ్మెంటల్ బొల్లి లేదా సాధారణ బొల్లి అని కూడా పిలుస్తారు.ఇది ఏ వయస్సులోనైనా ప్రభావితం కావచ్చు.కానీ 30 సంవత్సరాల కంటే తక్కువ వయస్సు ఉన్నవారిలో ఎక్కువగా కనిపిస్తుంది.
రుక్సోలిటినిబ్ క్రీమ్ నాన్-సెగ్మెంటల్ బొల్లికి చికిత్సగా పరిగణించబడుతుంది.FDA ఇన్సైట్ రుక్సోలిటినిబ్ క్రీమ్ను పెద్దలు, 12 ఏళ్లు పైబడిన వారు ఉపయోగించేందుకు ఆమోదించింది.
తెలుగు వార్త విశేషాలు సులభముగా తెలుసుకోండి!!!!
అవీ...ఇవి
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
