తెలంగాణ ముఖ్యమంత్రి కేసీఆర్ పెద్ద వ్యూహకర్త అనే విషయం అందరికీ తెలిసిందే.అయితే, తన పార్టీ పేరు మార్పుపై సొంత పార్టీ సభ్యులను ఒప్పించడంలో అసలు సక్సెస్ అయ్యారా? తాజాగా తెలంగాణ రాష్ట్ర సమితి నుంచి భారత రాష్ట్ర సమితిగా పార్టీ పేరు మారింది.అయితే, కొత్త పేరు పెద్దగా రుచించడం లేదా? పాత పేరు పార్టీ శ్రేణుల గుండెల్లో నిలిచిపోయిందా?
తాజాగా జరిగిన ఒక సర్వే ప్రకారం… పీపుల్స్ పల్స్ అనే ప్రముఖ సంస్థ ఈ సర్వే నిర్వహించింది.తెలంగాణలోని 17 జిల్లాల్లోని 51 మండలాల్లో జనవరి 5 నుంచి 9వ తేదీ వరకు నిర్వహించిన సర్వేలో కనీసం 72 శాతం మంది పార్టీ కార్యకర్తలు, అన్ని స్థాయిల్లోని నాయకులు పార్టీని టీఆర్‌ఎస్‌గా పిలుస్తున్నారు తప్ప బీఆర్ఎస్ అనట్లేదు అని పేర్కొన్నారు.
పార్టీ నాయకులు, కార్యకర్తల్లో కేవలం నాలుగు శాతం మంది మాత్రమే బీఆర్‌ఎస్‌ను ఉపయోగిస్తున్నారు.
మిగిలిన 20 శాతం మంది కార్యకర్తలు, నాయకులు పార్టీని మొదట టీఆర్‌ఎస్‌గా సంబోధించారని, ఆపై తమను తాము చిరునవ్వుతో తన పొరపాటుని సరిచేసుకుంటున్నారని సర్వే చెబుతోంది.అప్పుడు వారు దానిని BRS గా పిలవడం ప్రారంభించారు అని తెలుస్తోంది.ఇక పేరు మార్పు తమకే ప్రతికూలంగా మారిందని, పార్టీ శ్రేణులు ఇంకా టీఆర్‌ఎస్‌గా పిలుచుకుంటున్నారని సర్వే చెబుతోంది.
ఆసక్తికరంగా, 3 శాతం మంది ప్రతివాదులు పార్టీ పేరును ప్రస్తావించడానికి కూడా ఇష్టపడట్లేదంట.ఇక్కడ అసలైన ప్రశ్న ఏమిటంటే, నాయకులు, నమ్మకమైన కార్యకర్తలే కొత్త పేరును స్వీకరించకపోతే, సాధారణ ఓటర్ల పరిస్థితి ఏమిటి? వారు పేరు మార్పును అర్థం చేసుకుంటారా? అయితే పార్టీ గుర్తు మారనంత కాలం గుర్తింపు విషయంలో ఎలాంటి ఇబ్బంది ఉండదని పార్టీ వర్గాలు చెబుతున్నాయి.వారి ఆశావాదం సరైనదని భవిష్యత్తులో రుజువు అవుతుందా?
.
