చర్మ సమస్యలకు చెక్ పెట్టె వంటింటి ఇంగ్రీడియెంట్స్

నల్లటి వలయాలు - కుకుంబర్ కుకుంబర్ లో యాంటీ ఆక్సిడెంట్స్ సమృద్ధిగా ఉండుట వలన నల్లటి వలయాలను తొలగించటంలో సమర్ధవంతంగా పనిచేస్తుంది.కుకుంబర్ స్లైసెస్ మూసి ఉన్న కనురెప్పలపై ఉంచి 20 నిమిషాల తర్వాత గోరువెచ్చని నీటితో శుభ్రం చేసుకోవాలి.ఈ విధంగా రోజులో 2 నుంచి 3 సార్లు చేస్తే మంచి ఫలితం ఉంటుంది.

పిగ్మెంటేషన్ - బంగాళాదుంప బంగాళాదుంపలో సహజసిద్ధమైన బ్లీచింగ్ లక్షణాలు ఉండుట వలన పిగ్మెంటేషన్ సమస్యను తగ్గిస్తుంది.బంగాళాదుంప రసాన్ని ముఖానికి రాసి 15 నిమిషాల తర్వాత గోరువెచ్చని నీటితో శుభ్రం చేసుకోవాలి.

ఈ విధంగా వారానికి 2 సార్లు చేస్తూ ఉంటే పిగ్మెంటేషన్ సమస్య నుండి బయట పడవచ్చు.మృత కణాలు - బేకింగ్ సోడా బేకింగ్ సోడా ఎక్స్ఫోలియేటింగ్ ఏజెంట్ గా పనిచేసి మృత కణాలను తొలగించటంలో సహాయపడుతుంది.

అరస్పూన్ బేకింగ్ సోడాలో నీటిని కలిపి పేస్ట్ గా తయారుచేయాలి.ఈ పేస్ట్ ముఖానికి రాసి 2 నిముషాలు సున్నితంగా మసాజ్ చేసి 15 నిమిషాల తర్వాత గోరువెచ్చని నీటితో శుభ్రం చేసుకోవాలి.

ఈ విధంగా వారానికి ఒకసారి చేస్తూ ఉంటే మృత కణాలు తొలగిపోతాయి.