Balakrishna Jr Ntr బాలయ్య, ఎన్టీఆర్ సినిమాల మధ్య బాక్సాఫీస్ పోటీ.. బాలయ్య కొత్త మూవీ రిలీజయ్యేది అప్పుడేనా?

ఎన్టీఆర్ కొరటాల శివ( Koratala Siva ) దర్శకత్వంలో దేవర సినిమాలో ( Devara movie )నటిస్తున్న విషయం తెలిసిందే.పాన్ ఇండియా లెవెల్ లో ఈ సినిమాను రూపొందిస్తున్నారు.ఈ సినిమా నిర్మాణంలో హీరో కళ్యాణ్ రామ్ కూడా భాగస్వామిగా ఉన్న విషయం తెలిసిందే.ఈ సినిమాను 2024 ఏప్రిల్ 5న విడుదల చేయబోతున్నట్లు ఇప్పటికే క్లారిటీ కూడా ఇచ్చేశారు.

ఈ సినిమా కోసం ఎంతో ఆత్రుతగా ఎదురు చూస్తున్నారు నందమూరి అభిమానులు.బాలయ్య బాబు 109వ సినిమాను అదే సమయానికి విడుదల చేయబోతున్నట్లుగా వార్తలు వినిపిస్తున్నాయి.ప్రస్తుతం బాలకృష్ణ బాబీ దర్శకత్వంలో 109వ సినిమా చేస్తున్నారు.ఈ సినిమాను సితార ఎంటర్టైన్మెంట్ నిర్మిస్తోంది.

అయితే ప్రస్తుతం అనుకుంటున్న ప్లాన్ ప్రకారం అయితే 2024 మార్చి 29 బెస్ట్ డేట్ అనుకుంటున్నట్లు టాక్.అంటే దేవర కంటే ఒక వారం ముందుగానే థియేటర్లలో ఉంటుంది.

ఒకవేళ ఇదే కనుక నిజమైతే నందమూరి అభిమానులకు పెద్ద చిక్కుకొచ్చి పడినట్లే అవుతుంది.