Anu Emmanuel: అలా చేసి ఉంటే నేను కోట్లు సంపాదించేదాన్ని.. అను ఇమ్మాన్యుయేల్ షాకింగ్ కామెంట్స్?

తెలుగు చిత్ర పరిశ్రమలో పలువురు యంగ్ హీరోల సరసన నటించి గుర్తింపు పొందిన నటి అను ఇమ్మాన్యుయేల్ గురించి ప్రత్యేకంగా చెప్పాల్సిన పనిలేదు.

తాజాగా ఈమె అల్లు శిరీష్ హీరోగా నటించిన ఊర్వశివో రాక్షసివో సినిమా ద్వారా ప్రేక్షకుల ముందుకు వచ్చారు.

చాలా సంవత్సరాల గ్యాప్ తర్వాత ఈమె తెలుగు ప్రేక్షకుల ముందుకు వచ్చారు.అయితే ఈ సినిమా ద్వారా ఈమె నటనకు పెద్ద ఎత్తున ప్రశంసలు వెల్లువెత్తుతున్నాయి.

ఇకపోతే ఈ సినిమా ప్రమోషన్ కార్యక్రమాలలో భాగంగా ఓ ఇంటర్వ్యూలో పాల్గొన్నటువంటి అను ఇమ్మాన్యుయేల్ తన కెరీర్ గురించి పలు ఆసక్తికరమైన విషయాలను వెల్లడించారు.ఈ సందర్భంగా ఈమె మాట్లాడుతూ తన కెరియర్ మొదట్లో వచ్చిన ప్రతి అవకాశాన్ని వినియోగించుకోవాలన్న ఉద్దేశంతో అన్ని సినిమాలకు కమిట్ అయ్యానని అయితే కొన్ని సినిమాల ఫలితం చూసిన తర్వాత కథల ఎంపిక విషయంలో జాగ్రత్తలు తప్పనిసరి అని తెలుసుకున్నాను అంటూ ఈమె వెల్లడించారు.

ఈ క్రమంలోనే తనకు ఏదైనా సినిమా అవకాశం వస్తే ఆ పాత్రకు నేను సరిపోతానా లేదా అన్న దాని గురించి ఆలోచించుకొని సినిమాకు కమిట్ అవుతున్నానని తెలిపారు.

సినిమాలలో నటించాలన్న ఉద్దేశంతో పిచ్చిపిచ్చి పాత్రలు చెత్త సినిమాలలో నటించకూడదని తాను భావించానని సినిమాలు చేయకపోతే గడవదు అనే స్థితిలో తాను లేనని ఈమె తెలిపారు.ఒకవేళ సినిమాలలో నటించాలన్న ఉద్దేశంతో తనకు అవకాశం వచ్చిన ప్రతి ఒక్క సినిమాలోను నటించి కనుక ఉంటే ఈపాటికి నేను కూడా అందరిలా కోట్లు సంపాదించేదాన్ని అంటూ ఈ సందర్భంగా ఈమె చేసిన కామెంట్లు సోషల్ మీడియాలో వైరల్ అవుతున్నాయి.ఇకపోతే ఈమె తెలుగులో అల్లు అర్జున్ నాని పవన్ కళ్యాణ్ వంటి హీరోల సర్సనం నటించిన విషయం తెలిసిందే.