Actor Sri Ram: నా సొంత అన్న చనిపోయాడు.. ఉన్నప్పుడు విలువ తెలియలేదు.. శ్రీరామ్ ఎమోషనల్ కామెంట్స్ వైరల్!

టాలీవుడ్ సినీ ప్రేక్షకులకు హీరో నటుడు శ్రీరామ్( Actor Sri Ram ) గురించి ప్రత్యేకంగా పరిచయం అక్కర్లేదు.

శ్రీరామ్ మొదట రోజాపూలు సినిమాతో తెలుగు సినిమా ఇండస్ట్రీకి హీరోగా ఎంట్రీ ఇచ్చిన విషయం తెలిసిందే.

అప్పట్లో ఎన్నో సినిమాలలో హీరోగా నటించిన తనకంటూ ఒక ప్రత్యేకమైన గుర్తింపును ఏర్పరచుకున్నారు.ఇక రోజా పూలు సినిమా ( Roja Poolu Movie ) తరువాత ఆడవారి మాటలకు అర్థాలే వేరులే, ఒకరికొకరు లాంటి సినిమాలలో నటించి తనకంటూ ఒక ప్రత్యేకమైన గుర్తింపుని ఏర్పరచుకున్నారు.

తరువాత టెన్త్ క్లాస్ డైరీస్ చిత్రంలో నటించారు.కేవలం తెలుగులో మాత్రం కాకుండా తమిళం మలయాళం సినిమాలలో కూడా నటించి అక్కడ కూడా మంచి గుర్తింపును ఏర్పరచుకున్నారు శ్రీరామ్ అలియాస్ శ్రీకాంత్.

తెలుగులో ఒకరికొకరు, శ్రీనివాస కళ్యాణం, లై, సీత, సుప్రీమ్, నమస్తే నేస్తమా, అసలేం జరిగింది, మహా ఇలా ఎన్నో సినిమాలలో నటించి తనకంటూ ఒక ప్రత్యేకమైన గుర్తింపుని ఏర్పరచుకున్నారు శ్రీరామ్.ఇది ఇలా ఉంటే తాజాగా ఒక ఇంటర్వ్యూలో పాల్గొన్న శ్రీరామ్ ఎన్నో ఆసక్తికర విషయాలను వెల్లడించారు.

ఈ సందర్భంగా శ్రీరామ్ చేసిన వ్యాఖ్యలు ప్రస్తుతం సోషల్ మీడియాలో వైరల్ గా మారాయి.నేను మొదట ఐదవ తరగతి చదివే సమయంలో ఒక నాటకం ద్వారా సినిమా ఇండస్ట్రీకి అనుకోకుండా ఎంట్రీ ఇచ్చాను.

ఒక నాటకం వేసే సమయంలో ఒక అతను కొన్ని కారణాల వల్ల లేకపోవడంతో మా నాన్న చెప్పినట్టుగా నేను అందులో నటించాను.