హీరోలకీ , హీరోయిన్ లకీ , సెలెబ్రిటీ లకీ విపరీతమైన ఫ్యాన్ ఫాలోయింగ్ ఉంటుంది.అదే విధంగా ఆ ఫాన్ ఫాలోయింగ్ తో పాటు వారికి ఆ ఫాన్ ల వలనే తలనొప్పులు కూడా వస్తాయి బాగా.
ఇప్పుడు ప్రతీ సెలెబ్రిటీ కీ ట్విట్టర్ లోనో ఫేస్ బుక్ లోనో ఎకౌంటు ఉండడం చాలా కామన్ విషయం.ముఖ్యంగా హీరో సిద్దార్థ్ లాంటి వారు సోషల్ నెట్వర్కింగ్ లో బాగా ఎక్కువగా కనిపిస్తూ ఉంటారు.కానీ సిద్దార్థ్ లాంటి టెక్కీ కి కూడా కొత్త తలనొప్పి మొదలైంది.
‘నేను ఫేస్ బుక్ లో అసలు లేను.మీరు ఒకవేళ నా అకౌంట్ అని చెప్పే ఏ ఖాతానైనా ఫాలో అయితే.దయచేసి వదిలేయండి’ అని ట్వీట్ చేశాడు హీరో.అంతే కాదు.‘ఒక వ్యక్తి నా పేరుతో అకౌంట్ నిర్వహిస్తున్నాడు.కనీసం కాలేజ్ కి స్పెల్లింగ్ కూడా కరెక్ట్ రాయలేని వాడు ఓ ఫ్రాడ్ – ఒక ఈడియట్’ అంటూ గయ్యిమన్నాడు సిద్ధార్ధ్.ఇంతకీ విషయం ఏంటంటే అతని పేరు మీద ఫేస్ బుక్ లో ఎవరో దొంగ అకౌంట్ సృష్టించి తన పేరు బద్నాం చేస్తున్నారు అని చెప్పుకొచ్చాడు ఈ కుర్రాడు.
