ఓ ఇంట్లో జరిగిన హార్ట్ స్టాపింగ్ ఘటన ఇప్పుడు సోషల్ మీడియాను షేక్ చేస్తోంది.ఇంట్లోకి దూసుకొచ్చిన ఓ పాము( Snake ) నుంచి తన ఇద్దరు చిన్న కూతుళ్లను ఓ తల్లి( Mother ) మెరుపు వేగంతో కాపాడిన దృశ్యాలు సీసీటీవీలో రికార్డయ్యాయి.
ఇప్పుడీ ఒళ్లు గగుర్పొడిచే వీడియో ‘X’ (ట్విట్టర్)లో వైరల్ గా మారింది.ఇప్పటికే 5.6 కోట్లకు పైగా (56 మిలియన్లు) వ్యూస్ తో దూసుకుపోతోంది.
వీడియో మొదలవ్వగానే, ఇంటి ముందు (ఫోయర్) ప్రశాంత వాతావరణం కనిపిస్తుంది.
తల్లి చేతిలో ఓ బట్టల బుట్టతో నిలబడి ఉండగా, ఆమె ఇద్దరు కూతుళ్లు( Two Daughters ) అక్కడే ఆడుకుంటున్నారు.అంతలోనే ఊహించని షాక్ తగిలింది.పిల్లలకు అత్యంత సమీపంలో ఓ పాము పాకుతూ కనిపించింది.అది చూసిన ఆ తల్లి గుండె ఒక్క క్షణం ఆగినంత పనైంది.
కానీ, క్షణం కూడా ఆలస్యం చేయలేదు.చేతిలోని బుట్టను పక్కకు విసిరేసి, పిల్లల వైపు ఒక్క ఉదుటన పరుగెత్తింది.
ముందుగా ఒక కూతురిని చటుక్కున చేతుల్లోకి తీసుకుని, సురక్షితంగా పక్కకు తీసుకెళ్లింది.ఆ తర్వాత, పాముకు కేవలం అంగుళాల దూరంలో ఉన్న రెండో పాప వైపు దూసుకెళ్లింది.మెరుపు వేగంతో, అత్యంత చాకచక్యంగా ఆ పాపను కూడా పైకి లేపేసింది.సరిగ్గా సమయానికి ఆమె స్పందించడంతో పెను ప్రమాదం తృటిలో తప్పిపోయింది.లేదంటే ఏం జరిగేదో ఊహించుకుంటేనే భయమేస్తోంది.
ఈ వీడియో చూసిన నెటిజన్లు షాక్ అవుతూనే, తల్లి ధైర్యాన్ని, సమయస్ఫూర్తిని మెచ్చుకుంటున్నారు.కామెంట్ల వర్షం కురిపిస్తున్నారు.“అమ్మో, ఆ పాపకు పాము ఎలా కరవలేదో? పాము మీదే కాలు వేసింది కదా” అని ఒకరు ఆశ్చర్యం వ్యక్తం చేశారు.
“ఎత్తు, పెద్ద శబ్దం.ఈ రెండే మనుషులకు పుట్టుకతో వచ్చే అసలైన భయాలు.పాములంటే భయం అనేది మనం తర్వాత నేర్చుకునేదే.అందుకే పిల్లలు అంత ప్రశాంతంగా ఉన్నారు పాము పక్కనే ఉన్నా” అని మరో యూజర్ విశ్లేషించారు.అయితే, కొందరు యూజర్లు మరో వాదన వినిపించారు.అది విషపూరితమైన పాము కాకపోవచ్చని అభిప్రాయపడ్డారు.
“క్షమించాలి, కానీ ఇది హానికరం కాని నల్ల పాము ( Harmless Black Snake ).నిజానికి ఇవి మన చుట్టూ ఉండటం మంచిదే, ఎందుకంటే ఎలుకలను చంపుతాయి, విష సర్పాలను కూడా తరిమికొడతాయి.” అని ఒకరు కామెంట్ చేశారు.
ఏదేమైనా, ఆ పాము ప్రమాదకరమైనదా కాదా అన్నది పక్కన పెడితే.
పిల్లలు ప్రమాదంలో ఉన్నారని గ్రహించి, ఆ తల్లి చూపిన తెగువ, మెరుపు వేగంతో స్పందించిన తీరు మాత్రం అద్భుతం.ఆమె సమయస్ఫూర్తి వల్లే ఆ చిన్నారులు సురక్షితంగా బయటపడ్డారు.
అందుకే ఇప్పుడు ఆ తల్లిపై సర్వత్రా ప్రశంసలు, అభిమానం వెల్లువెత్తుతున్నాయి.నిజంగా, తల్లే కదా అసలైన సూపర్ హీరో.
