పెళ్లికి ముందే ప్రియుడితో కలిసి పూజ.. నెటిజన్ల విమర్శలపై కీర్తిభట్ రియాక్షన్ ఇదే!

మొదట కన్నడ టీవీ సీరియల్స్ లో నటించింది.కన్నడ సినిమాలలో కూడా నటించింది.మొదట తెలుగులో మనసిచ్చి చూడు సీరియల్ లో( Manasichi Choodu Serial ) నటించి ప్రేక్షకులకు బాగా చేరువయ్యింది.కార్తీకదీపం ధారావాహికలోనూ మెరిసింది.అయితే యాక్సిడెంట్‌ వల్ల కీర్తి ఎప్పటికీ తల్లి కాలేదని వైద్యులు తేల్చి చెప్పడంతో ఆమె ఒక పాపను దత్తత తీసుకుని పెంచుకుంది.కానీ ఆ సంతోషం కూడా ఎంతోకాలం ఉండలేదు.

బిగ్‌బాస్‌ ఆఫర్‌ వచ్చిన సమయంలోనే పాప మరణించింది.ఇలా ఎన్నో కష్టాలు దాటి ఇక్కడిదాకా వచ్చింది కీర్తి.

త్వరలోనే పెళ్లి చేసుకోబోతున్నానంటూ 2023లో కీర్తి గుడ్‌న్యూస్‌ చెప్పింది.హీరో, దర్శకుడు విజయ్‌ కార్తీక్‌ ను( Vijay Karthik ) వివాహం చేసుకోనున్నట్లు ప్రకటించింది.

అదే ఏడాది విజయ్‌ తో ఎంగేజ్‌మెంట్‌ జరిగింది.ఆ మరుసటి ఏడాది నుంచి కాబోయే భర్తతో కలిసి ఒకే ఇంట్లో ఉంటోంది.

నిశ్చితార్థం అయిపోయి రెండేళ్లు అవుతున్నా ఇంకా పెళ్లి డేట్‌ చెప్పట్లేదు.తాజాగా కీర్తి కాబోయే భర్తతో కలిసి తొలిసారి పూజలో పాల్గొంది.ఈ మేరకు సోషల్‌ మీడియాలో ఒక వీడియో షేర్‌ చేసింది.అయితే ఆ వీడియో చూసిన ఒక నెటిజన్‌.మిస్‌ కన్నడ కీర్తి గారు.పెళ్లికి ముందు ఇలా కలిసి పూజ చేయడం తెలుగు సాంప్రదాయం కాదు.

కార్తీక్‌ కనీసం మీకు మీ తల్లిదండ్రులైనా చెప్పలేదా? అయినా ఈ జనరేషన్‌ లో పేరెంట్స్‌ మాట ఎవరూ వినరు.ముఖ్యంగా ఈ ఇండస్ట్రీలోనివాళ్లు అసలే వినరు అని పెదవి విరిచాడు.

దీనికి కీర్తి స్పందిస్తూ.పెళ్లికి ముందే మేము ఇలా పూజ చేస్తే ఏమవుతుందో కాస్త చెప్పగలరా? ఒకరిని నిందించేముందు సరైన కారణాలు చెప్పండి అని ఘాటుగా రిప్లై ఇచ్చింది.