ఇటీవల కాలంలో సోషల్ మీడియాలో కొత్త కొత్త బ్యూటీ టిప్స్ పుట్టుకొంటున్నాయి.కొన్ని మంచివి అయితే, మరికొన్ని చాలా విచిత్రంగా ఉంటాయి.
ఇప్పుడు ఢిల్లీకి( Delhi ) చెందిన శుభాంగి ఆనంద్ ( Shubhangi Anand )అనే బ్యూటీ ఇన్‌ఫ్లుయెన్సర్ చేసిన పని అందరినీ ఆశ్చర్యపరుస్తోంది.తన పెదాలు నిండుగా, పండులాగా పెద్దగా చూపించడానికి ఆమె పచ్చిమిరపకాయలు ఉపయోగించింది.
ఇది చూసిన వారంతా షాక్ అయ్యారు.ఆమె తన ఇన్‌స్టాగ్రామ్ వీడియోలో పచ్చిమిరపకాయను రెండుగా కోసి, దాన్ని తన పెదాలపై రుద్దుకుంది.
ఈ వీడియోను ఇప్పటికే 22 మిలియన్ల మంది చూశారు.ఇలాంటి విచిత్రమైన పద్ధతులను అనుసరించడం చాలా ప్రమాదకరం.
అందంగా కనిపించాలనే కోరికలో ఇలాంటి పనులు చేయడం మంచిది కాదని నిపుణులు చెబుతున్నారు.
శుభాంగి ఆనంద్ వీడియోను చూసి ఒకరు, “ఇలాంటి అసాధారణ పద్ధతులతో అందాన్ని సాధించాలని ప్రయత్నించడం సరికాదు” అని కామెంట్ చేశారు.మరొకరు, “ఇది ఇంటర్నెట్‌లో నేను చూసిన అతి పిచ్చి పని” అని అన్నారు.మరొకరు, మిరపకాయలు వాడిన తర్వాత ఎండలో తిరగడం వల్ల చర్మం నల్లబడే ప్రమాదం ఉందని హెచ్చరించారు.
మరికొందరు కంటెంట్, వ్యూస్ కోసం ఏదైనా చేయడానికి సిద్ధంగా ఉంటారని విమర్శించారు.
ఇలాంటి విచిత్రమైన పద్ధతులు ఇదే మొదటిసారి కాదు.గత ఏడాది మరో ఇన్‌ఫ్లుయెన్సర్ లిప్ గ్లాస్‌లో మిరపకాయ పొడి కలిపి తన పెదాలపై రాసుకుంది.కొంత సేపటి తర్వాత తుడిచివేసి తన పెదాలు ఎంత పెద్దగా ఉన్నాయో చూపించింది.
ప్రముఖ హాలీవుడ్ నటి బ్లేక్ లైవ్లీ కూడా హైస్కూల్ రోజుల్లో తన లిప్ గ్లాస్‌లో మిరపకాయలు కలిపి ఉపయోగించేదట.ఇలాంటి ప్రమాదకరమైన బ్యూటీ ట్రెండ్సే సోషల్ మీడియాలో ఎక్కువగా వైరల్ కావడం బాధాకరం.
