గురుగ్రామ్లోని గోల్ఫ్ కోర్స్ ( Golf Course in Gurugram )రోడ్డు మీద వాహనాలు గాల్లో ఎగిరిపోతున్నట్లు చూపించే ఓ వీడియో సోషల్ మీడియాలో తెగ వైరల్ అవుతుంది. 91వీల్స్లో( 91 on wheels ) ఎడిటర్గా పనిచేస్తున్న సోషల్ మీడియా ఇన్ఫ్లుయెన్సర్ బన్నీ పునియా ఈ వీడియోను ఎక్స్ (ట్విట్టర్)లో పంచుకోవడంతో వైరల్గా మారింది.
గోల్ఫ్ కోర్స్ రోడ్డుపై కొత్తగా ఏర్పాటు చేసిన, స్పీడ్ బంప్ వల్ల ఈ సంఘటన జరిగిందని పునియా వీడియోకి క్యాప్షన్ ఇచ్చారు.ఎలాంటి సైన్ లేకుండా ఈ స్పీడ్ బంప్ ఏర్పాటు చేయడం వల్ల దీన్ని ముందుగా ఎవరూ తెలుసుకోలేకపోయారని పేర్కొన్నారు.
గురుగ్రామ్లోని సెంట్రమ్ ప్లాజా దగ్గర, హెచ్ఆర్26 ధబా( HR26 Dhaba ) ఎదురుగా ఈ ప్రదేశం ఉందని నెటిజన్లు గుర్తించారు.
సోషల్ మీడియాలో తెగ వైరల్ అవుతున్న వీడియోలో కార్లు ఒక స్పీడ్ బంప్ దాటేటప్పుడు గాల్లో ఎగిరిపోతున్నట్లు కనిపించింది.
ఈ వీడియోని ఎక్కడ తీశారో మీడియా అధికారికంగా నిర్ధారించలేదు.కానీ ఈ వీడియో సోషల్ మీడియాలో వచ్చిన కొద్ది సేపటికే చాలామంది ఈ వీడియోని ఎక్కడ తీశారో చెప్పేశారు.“నేను శుక్రవారం ఆఫీస్ నుంచి వస్తున్నప్పుడు చూశాను. సెంట్రమ్ ప్లాజా బిల్డింగ్ ( Centrum Plaza Building )దాటిన తర్వాత ఈ స్పీడ్ బంప్ ఉంది” అని ఒకరు చెప్పారు.“ఖచ్చితంగా చెప్పాలంటే, సెంట్రమ్ ప్లాజా బిల్డింగ్ దాటిన తర్వాత, హెచ్ఆర్26 ధబా ఎదురుగా ఈ స్పీడ్ బంప్ ఉంది” అని మరొకరు చెప్పారు.
చాలామంది ఈ రోడ్డు డిజైన్కి తగకుండా ఈ ప్రదేశంలో స్పీడ్ బంప్ పెట్టడం సరికాదని కామెంట్ చేశారు.గోల్ఫ్ కోర్స్ రోడ్డుపై ఉన్న స్పీడ్ బంప్ గురించి సోషల్ మీడియాలో చాలా చర్చ జరుగుతోంది.ఒక నెటిజన్, “వాహనాలు యూటర్న్ తీసుకునే చోటుకు వచ్చే ముందు వేగాన్ని తగ్గించడానికి ఈ స్పీడ్ బంప్ ఉంది.
ఇది మంచి ఆలోచనే, కానీ దీనికి సరిగా మార్కింగ్స్ లేవు.ఇది భారత క్రికెట్ జట్టు తాజా ప్రదర్శనలా ఉంది, మంచి ఆలోచన అయినా అమలు సరిగా లేదు” అని కామెంట్ చేశారు.
మరొక నెటిజన్, “గోల్ఫ్ కోర్స్ రోడ్డుకి ఒక నిర్దిష్ట డిజైన్ ఉంది కాబట్టి ఇక్కడ స్పీడ్ బంప్లు ఉండకూడదు.ఇది తప్పు” అని అన్నారు.ఈ వీడియో వల్ల రోడ్డు భద్రత మెరుగుపరచాలనే అవసరం మరియు ట్రాఫిక్ నిర్వహణలోని లోపాల గురించి ఆన్లైన్లో చర్చ మొదలైంది.బన్నీ పునియా (@BunnyPunia) అకౌంట్ షేర్ చేసిన వీడియోకు లక్షల్లో, వ్యూస్ వేలల్లో లైక్స్ వచ్చాయి.
దీన్ని మీరు కూడా చూసేయండి.
