టాలీవుడ్ ఐకాన్ స్టార్ అల్లు అర్జున్( Allu Arjun ) గురించి మనందరికీ తెలిసిందే.పుష్ప సినిమాతో అంతర్జాతీయ స్థాయిలో గుర్తింపు తెచ్చుకున్నారు అల్లు అర్జున్.
పుష్ప సినిమాలో నటనకు గాను జాతీయస్థాయిలో గుర్తింపు తెచ్చుకున్న విషయం తెలిసిందే.ఈ సినిమాకు సీక్వెల్ గా రూపొందిన పుష్ప 2 మూవీ( Pushpa 2) త్వరలోనే ప్రేక్షకుల ముందుకు రానుంది.
డిసెంబర్ లో ఈ సినిమా విడుదల కానున్న విషయం తెలిసిందే.అ సంగతి పక్కన పెడితే ఈ సినిమా తర్వాత టాలీవుడ్ డైరెక్టర్ త్రివిక్రమ్ శ్రీనివాస్ దర్శకత్వంలో బన్నీ సినిమా చేయబోతున్న విషయం తెలిసిందే.
తాజాగా ఆ సినిమా గురించి నిర్మాత నాగవంశీ ఆసక్తికర కామెంట్స్ చేసి అల్లు అర్జున్ అభిమానుల్లో జోష్ నింపారు.ఈ సందర్భంగా నిర్మాత నాగ వంశీ( Naga vamsi ) మాట్లాడుతూ. అల్లు అర్జున్, త్రివిక్రమ్ ల సినిమా స్క్రిప్ట్ పనులు చివరిదశలో ఉన్నాయి.పుష్ప 2 పూర్తి అయ్యాక దీని వివరాలు వెల్లడిస్తాము.జనవరిలో స్పెషల్ ప్రోమోతో సినిమాను ప్రకటిస్తాము.అలాగే మార్చి నుంచి షూటింగ్ ప్రారంభిస్తాము.
మార్చిలోనే అల్లు అర్జున్ చిత్రీకరణలో పాల్గొంటారు.ఇప్పటివరకు రాజమౌళి( Rajamouli ) ఎన్నో గొప్ప సినిమాలు చేశారు.
ఆయన కూడా టచ్ చేయని జానర్ లో ఈ సినిమా ఉంటుంది.మంచి విజువల్స్ కూడా ఉంటాయి.
ఇప్పటి వరకు దేశంలో ఎవరూ చూడని కొత్త ప్రపంచాన్ని సృష్టించనున్నాము.
ఎంతో ప్రతిష్టాత్మకంగా దీన్ని రూపొందిస్తున్నాము అని చెప్పుకొచ్చారు నాగ వంశీ.అందుకు సంబంధించిన వ్యాఖ్యలు సోషల్ మీడియాలో వైరల్ అవ్వడంతో అల్లు అర్జున్ అభిమానులు ఈ సినిమాపై అంచనాలను పెంచేసుకుంటున్నారు.దానికి తోడు జక్కన్న కూడా టచ్ చేయని జానర్ అని చెప్పడంతో , ఆ జానర్ ఏది? సినిమా ఎలా ఉండబోతోంది? అనే విషయాల గురించి అనేక రకాల చర్చలు నడుస్తున్నాయి.మొత్తానికి నాగ వంశీ అల్లు అర్జున్ త్రివిక్రమ్ కాంబినేషన్లో రాబోతున్న ప్రాజెక్టు పై అంచనాలను పెంచేశారు.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
