అందరికీ సొంత ఇల్లు కట్టుకోవాలనే ఆశ ఉంటుంది.కానీ, ఈరోజుల్లో ఇళ్ల ధరలు చాలా ఎక్కువగా ఉన్నాయి.
అందుకే పేద వాళ్లకు సొంతింటి కల కలలాగే మిగిలిపోతోంది.అయితే ప్రముఖ యూట్యూబర్ అనిష్ భాగవత్ (YouTuber Anish Bhagwat)మాత్రం తన ఇంట్లో పనిచేసే రేష్మ అనే పేద మహిళకు ఒక ఇల్లు కొనిపెట్టాడు.
అలా ఆమె సొంతింటి కల నెరవేర్చాడు.అది కూడా ఏ లోను లేకుండా! ఆ ఇంట్లోకి ఆమె చేత ప్రవేశం చేయించాడు.
దానికి సంబంధించిన వీడియో ఇన్‌స్టాగ్రామ్‌లో పోస్ట్ చేశాడు.
ఆ వీడియో చూసి చాలా ఎమోషనల్‌ అవుతున్నారు నెటిజన్లు.
రేష్మ (Reshma)కొత్త ఇంటిని చూపిస్తూ, ఇంటికి పూజ చేస్తున్న సన్నివేశాలు కూడా వీడియోలో కనిపించాయి.రేష్మ చాలా కాలంగా ఒక ఇల్లు కట్టుకోవాలని కోరుకుంటుందని అనిష్ చెప్పాడు.
యూట్యూబ్ ఛానల్ నడిపడం ద్వారా ఆమె ఈ కలను నిజం చేసుకుందని అన్నాడు.
ఇంతకు ముందు, రేష్మ తన పిల్లల కోసం ఒక ఇల్లు కట్టుకోవాలని కలలు కన్నదట.ఆమె ఈ కలను అనిష్‌తో పంచుకుంది.అనిష్ కూడా ఆమె కలను నిజం చేయాలని కోరుకున్నాడు.
దీని కోసం, రేష్మను తన యూట్యూబ్ వీడియోల్లో పాల్గొనమని అడిగారు.అలా సంపాదించిన డబ్బుతో రేష్మకి ఇల్లు కొనిపెట్టారు.
అయితే, యూట్యూబ్ వీడియోల్లో(YouTube videos) ఆమెను చూపించడం వల్ల అనిష్ పై విమర్శలు వచ్చాయి.కానీ, అనిష్ రేష్మకు ఆర్థిక స్వాతంత్ర్యం ఇవ్వాలని కోరుకున్నారు.
ఎందుకంటే, స్త్రీలు ఆర్థికంగా స్వతంత్రంగా ఉన్నప్పుడే వారు బలంగా ఉంటారని అనిష్ నమ్మకం.
చివరకు, ఒక సంవత్సరం తర్వాత రేష్మ కల నిజమైంది.అనిష్ పోస్ట్ చేసిన వీడియో ఇప్పుడు సోషల్ మీడియాలో(Social media) తెగ వైరల్ అవుతోంది.కేవలం రెండు రోజుల్లోనే ఐదు మిలియన్ల మందికి పైగా ఈ వీడియో చూశారు.
లైక్‌లు కూడా లక్షల్లో ఉన్నాయి.ఈ సంఖ్యలు ఇంకా పెరుగుతూనే ఉన్నాయి.
సోషల్ మీడియాలోని చాలా మంది అనిష్(Anish) చేసిన ఈ మంచి పనిని మెచ్చుకున్నారు.వారు తమ కామెంట్లలో అనిష్‌ని బాగా ప్రశంసించారు.
ఒకరు “ప్రతి రేష్మకు అనిష్ లాంటి వ్యక్తి ఉంటే బాగుండు” అని కామెంట్ చేశారు.మరొకరు “మీరు మా హృదయాలను ఆనందపరుస్తున్నారు” అని చెప్పారు.
ఇంకొకరు “అనిష్, మీరు చాలా మంచి మనసు గల వ్యక్తి.మీకు దేవుడు ఆయురారోగ్యాలు ఇవ్వాలి” అని కోరారు.
