యాంటీమెటల్( Antimetal ) అనే న్యూయార్క్‌కు చెందిన క్లౌడ్ ఇన్‌ఫ్రాస్ట్రక్చర్ స్టార్టప్ CEO మాథ్యూ పార్క్‌హర్స్ట్( Matthew Parkhurst ) ఇటీవల ఓ వినూత్నమైన ప్రచారాన్ని ప్రారంభించాడు.ఈ ప్రచారంలో భాగంగా అతను కస్టమర్లు, టెక్ ఇన్‌ఫ్లుయెన్సర్‌లకు పిజ్జాలు( Pizza ) పంపించాడు.ఈ ప్రయత్నానికి 15,000 డాలర్లు (సుమారు రూ.12.5 లక్షలు) ఖర్చు చేసిన పార్క్‌హర్స్ట్, 1 మిలియన్ డాలర్లు (సుమారు రూ.8.3 కోట్లు) కంటే ఎక్కువ ఆదాయాన్ని సంపాదించాడు.ఉచిత పిజ్జాలు అందుకున్న 75 కంపెనీలు యాంటీమెటల్ సేవలకు సైన్ అప్ చేశాయి.
ఆ కారణంగానే అతడికి రూ.కోట్లలో డబ్బులు వచ్చాయి.
ఏప్రిల్ 4న పార్క్‌హర్స్ట్ తన కంపెనీ పేరుతో బ్రాండెడ్ పిజ్జా బాక్సుల చిత్రాలను ఎక్స్‌ ( ట్విట్టర్)లో పోస్ట్ చేశాడు.యాంటీమెటల్ శాన్ ఫ్రాన్సిస్కో,( San Francisco ) న్యూయార్క్( New York ) నగరంలోని స్టార్టప్‌లు, వెంచర్ క్యాపిటలిస్ట్‌లకు 1,000 కంటే ఎక్కువ పిజ్జాలు డెలివరీ చేస్తుందని ఈ పోస్ట్‌లో తెలిపారు.డెలివరీ చేయని పిజ్జాలన్నీ డెలివరీ ఏజెంట్లకు ఇచ్చామని, వారికి రూ.200 వరకు భారీ టిప్స్ కూడా ఇచ్చానని ఆయన పంచుకున్నారు.
పార్క్‌హర్స్ట్ ఈ పిజ్జా ప్రచారం కంపెనీకి చేసిన ఏకైక మార్కెటింగ్ ఖర్చు అని, అయినప్పటికీ అది అద్భుతమైన ఫలితాలని ఇచ్చిందని చెప్పారు.పెద్ద ఎత్తున నడిపే ప్రచారాలకు సాధారణంగా వచ్చే వ్యతిరేక ప్రచారం కూడా ఈ ప్రచారానికి రాలేదని ఆయన గమనించారు.షాంపైన్ పంపించాలనే ఆలోచన చాలా ఖరీదైనదని భావించి వదులుకున్నారు.
ఈ ప్రచారం నుంచి వచ్చిన గొప్ప విజయాలలో ఒకటి శాన్ ఫ్రాన్సిస్కోకు చెందిన డేటా అనలిసిస్ స్టార్టప్ జూలియస్ ఎ.ఐ.వారి సీఈఓ రాహుల్ సోన్‌వల్కర్ మొదట్లో యాంటీమెటల్ నుంచి వచ్చిన సాధారణ మెయిల్‌ను పట్టించుకోలేదు.కానీ, ఉచిత పిజ్జా( Free Pizza ) అతని దృష్టిని ఆకర్షించింది.దీంతో ఆయన ఆ కంపెనీ గురించి పరిశోధన చేసి, చివరికి వారి సేవలకు సైన్ అప్ చేశారు.
వ్యాపార ప్రతిపాదనలతో నిండిన ప్రపంచంలో యాంటీమెటల్ స్టాండ్ అవుట్ కావడానికి ఈ మార్కెటింగ్ వ్యూహం సహాయపడిందని సోన్‌వల్కార్ ఈ ప్రచారాన్ని మెచ్చుకున్నారు.
Don’t order lunch yet!
Antimetal is pivoting to a pizza shop
We’ll be delivering 1,000+ pizzas to startups and VCs in SF & NYC pic.twitter.com/YsXi0U4C7e— Matt (@mprkhrst) April 4, 2024
