ఏపీ సీఎం జగన్( AP CM Jagan ) నిర్వహిస్తున్న ‘ మేమంతా సిద్ధం’ బస్సు యాత్ర కొనసాగుతోంది.ఇందులో భాగంగా సోషల్ మీడియా కార్యకర్తలతో సీఎం జగన్ ముఖాముఖీ కార్యక్రమం నిర్వహించారు.
ఈ సందర్భంగా సీఎం జగన్ మాట్లాడుతూ.రానున్న ఎన్నికల కురుక్షేత్రంలో తాను ఒకే ఒక్కడుగా పోరాటం చేస్తున్నానని తెలిపారు.
జగన్ ఒక్కరు ఒకవైపు.చంద్రబాబు, దత్తపుత్రుడు, బీజేపీ, కాంగ్రెస్( BJP , Congress ) మరోవైపు అని చెప్పారు.
ప్రభుత్వ పథకాలు అందాయని ఆనందం వ్యక్తం చేసిన గీతాంజలిని దారుణంగా ట్రోల్ చేసి బలితీసుకున్నారని మండిపడ్డారు.
వ్యవస్థ ఎంత దిగజారిందనే దానికి గీతాంజలి బలవన్మరణమే నిదర్శనమని పేర్కొన్నారు.
సోషల్ మీడియా( Social media ) అంత తమతో ఉందన్నారు.సెల్ ఫోన్ ఉన్న ప్రతి ఒక్కరూ తనతోనే ఉన్నారని పేర్కొన్నారు.
ఈ క్రమంలోనే సోషల్ మీడియా కార్యకర్తలకు తోడుగా ఉంటామని హామీ ఇచ్చారు.అదేవిధంగా కార్యకర్తలకు ఎంత చేసినా తక్కువేనని తెలిపారు.
సోషల్ మీడియా కార్యకర్తలకు వెనుక జగనే కాదు.యావత్ పార్టీ అంతా అండగా ఉంటుందని స్పష్టం చేశారు.
