నేటి కాలంలో, లివ్-ఇన్ రిలేషన్‌షిప్స్‌తో సహా వివిధ రూపాల్లో సంబంధాలు చూస్తున్నాం.అయితే, ఈ సంబంధాలలో కుటుంబానికి భాగస్వామిని పరిచయం చేయడం ఒక ముఖ్యమైన దశ, ముఖ్యంగా సాంస్కృతిక భేదాలు ఉన్నప్పుడు ఇది మరింత అవసరం అవుతుంది.
ఇటీవల, ఒక భారతీయ కుటుంబం( Indian Family ) ఈ సాంస్కృతిక భేదాలను హ్యాపీగా అంగీకరించారు.వారు వారి కుమార్తె ప్రేమించిన బ్రిటిష్ యువకుడిని స్వాగతించే హార్ట్ టచింగ్ వీడియో( Heart Touching Video ) తాజాగా ఆన్‌లైన్‌లో వైరల్ అయింది.
వీడియో ప్రారంభంలో భారతీయ యువతి, ఆమె బ్రిటిష్ ప్రియుడు( British Boyfriend ) కుటుంబం ఇంటి ముందు నిలబడి ఉండటం చూడవచ్చు.
ఆ తర్వాత జరిగినది ఒక అందమైన సాంస్కృతిక అంగీకారం.బ్రిటిష్ యువకుడు గౌరవప్రదంగా తన ప్రియురాలి తల్లి పాదాలకు నమస్కారం చేస్తాడు.ఆపై ఆమెకు గులాబీల గుత్తిని( Roses ) బహుమతిగా ఇస్తాడు, ఇది ఆప్యాయత, స్వాగతానికి చిహ్నం.
వీడియోలో, తల్లి కూడా ఆప్యాయంగా స్పందిస్తుంది.ఆమె బ్రిటిష్ యువకుడి నుదిటిపై తిలకం పెట్టి ఆశీర్వదిస్తుంది.
ఇతర కుటుంబ సభ్యులు పూల వర్షం కురిపిస్తూ, ఆలింగనాలతో దంపతులను స్వాగతిస్తారు.
@ali_agg అనే యూజర్ ఇన్‌స్టాగ్రామ్‌లో ఒక హార్ట్ టచింగ్ వీడియోను షేర్ చేశారు.దీనికి 70 లక్షలకు పైగా వ్యూస్, లక్షలాది లైక్స్‌ వచ్చాయి.నెటిజన్లు తమ భావోద్వేగాలను హార్ట్ ఎమోజీలు, పాజిటివ్ కామెంట్స్‌తో వ్యక్తం చేశారు.
ఈ వీడియో ప్రేమకు సరిహద్దులు లేవు, సాంస్కృతిక భేదాలను అధిగమించి ఒకరినొకరు అంగీకరించవచ్చనే ఓ ముఖ్యమైన సందేశాన్ని తెలియజేస్తుంది.
