తెలంగాణలో( Telangana ) టెన్త్ పరీక్షల షెడ్యూల్( Tenth Exams Schedule ) విడుదల అయింది.ఈ మేరకు పరీక్షల షెడ్యూల్ ను రాష్ట్ర విద్యాశాఖ విడుదల చేసింది.
ఈ నెల 18వ తేదీన ప్రారంభం కానున్న పరీక్షలు ఏప్రిల్ 2వ తేదీ వరకు జరగనున్నాయి.ఉదయం 9.30 గంటల నుంచి మధ్యాహ్నం 12.30 గంటల వరకు పరీక్షను అధికారులు నిర్వహించనున్నారు.అయితే ఈ సంవత్సరం ఫిజికల్ సైన్స్( Physical Science ) మరియు బయాలజీ( Biology ) రెండు సబ్జెక్టులకు వేర్వేరుగా పరీక్షలు జరగనున్నాయని అధికారులు తెలిపారు.
అదేవిధంగా ఈ రెండు పరీక్షలు ఉదయం 9.30 గంటల నుంచి ఉదయం 11.30 గంటల వరకు నిర్వహించనున్నట్లు వెల్లడించారు.కాగా రాష్ట్ర వ్యాప్తంగా 5 లక్షల 8 వేల 385 మంది విద్యార్థులు పదో తరగతి పరీక్షలు రాయనుండగా వీరి కోసం 2,676 పరీక్షా కేంద్రాలను ఏర్పాటు చేశారు.
