తెలంగాణ అసెంబ్లీలో నీటి పారుదల రంగంపై కాంగ్రెస్( Congress ) ప్రభుత్వం శ్వేతపత్రం విడుదల చేసింది.అలాగే కేఆర్ఎంబీకి ప్రాజెక్టులను అప్పగించేది లేదంటూ ప్రభుత్వం తీర్మానం ప్రవేశపెట్టింది.
ఈ సందర్భంగా మంత్రి ఉత్తమ్ కుమార్ రెడ్డి( Uttam Kumar Reddy ) మాట్లాడుతూ కీలక వ్యాఖ్యలు చేశారు.కృష్ణా ప్రాజెక్టులను కేఆర్ఎంబీకి అప్పగించే ప్రసక్తే లేదని చెప్పారు.
గతంలో నదీ జలాల విషయంలో తెలంగాణకు అన్యాయం జరిగిందన్నారు.
గతం కంటే ఈ పదేళ్ల కాలంలో నదీ జలాల విషయంలో మరింత నష్టం వాటిల్లిందని ధ్వజమెత్తారు.పోతిరెడ్డిపాడు( Pothireddy Padu ) సామర్థ్యాన్ని పెంచి నీటిని ఏపీకి తరలించారని ఆరోపించారు.తెలంగాణకు రావాల్సిన నీటిని ఏపీ పాలకులు తరలించుకున్నారని మండిపడ్డారు.
శ్రీశైలం ప్రాజెక్టు నుంచి గత కాంగ్రెస్ పాలనలో 727 టీఎంసీలు నీరు వెళితే బీఆర్ఎస్ పాలనలో 1200 టీఎంసీలు తరలించారని తెలిపారు.
