ఏపీలో బడుగు బలహీన వర్గాల పెన్నిధి, రాజ్యాంగ నిర్మాత డాక్టర్ బీఆర్ అంబేద్కర్( Dr.BR Ambedkar ) విగ్రహావిష్కరణ జరిగిన విషయం తెలిసిందే.రాష్ట్రంలోని వైసీపీ ప్రభుత్వం ఎంతో ప్రతిష్టాత్మకంగా విజయవాడ నడిబొడ్డున సీఎం వైఎస్ జగన్( CM YS Jagan ) ప్రతిష్టించారు.సుమారు రూ.400 కోట్ల రూపాయలతో ప్రపంచంలోనే ఎక్కడా లేని విధంగా విగ్రహాన్ని ఏర్పాటు చేసింది వైసీపీ సర్కార్.బెజవాడలోని బందరు రోడ్డులో ప్రతిమ నగర చరిత్రలోనే మైలురాయిగా నిలిచిందనడంలో ఏ మాత్రం అతిశయోక్తి లేదు.
దాదాపు 85 అడుగుల ఎత్తులో నిర్మించిన కాంక్రీట్ పీఠంపై 125 అడుగుల అంబేద్కర్ విగ్రహాన్ని నిర్మించారు.దీంతో మొత్తం 210 అడుగుల్లో ఈ నిర్మాణం రూపుదిద్దుకుంది.విగ్రహామే కాకుండా చుట్టూ మరెన్నో సదుపాయాలు కల్పించిన వైసీపీ ప్రభుత్వం దీనికి ‘ బీఆర్ అంబేద్కర్ స్వరాజ్ మైదాన్ ’( BR Ambedkar Swaraj Maidan ) గా పేరు పెట్టారు.అంతేకాకుండా 18.81 ఎకరాల్లో స్మృతివనం, కన్వెన్షన్ సెంటర్ ఫుడ్ కోర్టు ఏర్పాటు చేసింది.
విగ్రహావిష్కరణ సభ ఎంతో ఘనంగా జరగగా రాష్ట్ర వ్యాప్తంగా లక్షలాది మంది ఈ కార్యక్రమానికి తరలివచ్చారు. సీఎం వైఎస్ జగన్ పాల్గొని విగ్రహాన్ని ఆవిష్కరించిన ఈ వేడుకను రాష్ట్ర ప్రజలు వీక్షించారు.అయితే ప్రతిపక్షాలు, వాటికి చెందిన కొన్ని మీడియా సంస్థలు ఈ కార్యక్రమంపై కూడా విమర్శలు చేశాయని తెలుస్తోంది.
సీఎం వైఎస్ జగన్ ప్రతిష్టను కించపరుస్తూ తప్పుడు కథనాలను ప్రసారం చేస్తున్నాయని విమర్శలు వెల్లువెత్తుతున్నాయి.మహానీయ నేతకు గౌరవంగా జరిగిన ఈ కార్యక్రమంపై, దాన్ని నిర్వహించిన వైసీపీ ప్రభుత్వంపై( YCP Govt ) విమర్శలు చేయడంపై దళితులు తీవ్రస్థాయిలో విరుచుకుపడుతున్నారు.
పెత్తందారీ బుద్దులు మానుకోవాలని హితవు పలుకుతున్నారని తెలుస్తోంది.బడుగు, బలహీన వర్గాలకు పెద్దపీట వేయడమే కాకుండా వారికి అండగా నిలిచిన సీఎం వైఎస్ జగన్ పై విమర్శలు చేస్తే ఊరుకునేది లేదని చెబుతున్నారని సమాచారం.
తెలుగు వార్త విశేషాలు సులభముగా తెలుసుకోండి!!!!
