ఈ 2023 ఏడాదిలో ఎంతోమంది క్రికెటర్లు క్రికెట్ కు రిటైర్మెంట్ ప్రకటించారు.అయితే రిటైర్మెంట్ ప్రకటించిన ఆ జాబితాలో ఉన్న టాప్ స్టార్ ఆటగాళ్లు ఎవరో చూద్దాం.
హాషీమ్ ఆమ్లా:
దక్షిణాఫ్రికాకు చెందిన ఈ బ్యాటర్ 2023 జనవరిలో అన్ని ఫార్మాట్లకు రిటైర్మెంట్ ప్రకటించాడు.రెండు దశాబ్దాల సుదీర్ఘ క్రికెట్ కెరీర్ లో దక్షిణాఫ్రికా( South Africa ) తరఫున అన్ని ఫార్మాట్లలో కలిపి 18672 పరుగులు చేశాడు.
ఆరోన్ ఫించ్:
ఆస్ట్రేలియా జట్టును టీ20 వరల్డ్ కప్ విజేతగా నిలబెట్టిన తొలి కెప్టెన్.ఆస్ట్రేలియా జట్టు ఓపెనర్ గా జట్టుకు ఎన్నో అద్భుతమైన విజయాలు అందించడంలో కీలక పాత్ర పోషించాడు.2023 ఫిబ్రవరిలో క్రికెట్ కు రిటైర్మెంట్ ప్రకటించాడు.
మొయిన్ అలీ:
ఇంగ్లాండ్ జట్టు ఆల్ రౌండర్ మొయిన్ అలీ( Moeen Ali ) ఇప్పటివరకు క్రికెట్లో 6603 పరుగులు చేశాడు.అలాగే, 360 వికెట్లు తీశాడు.ఈ 2023లో క్రికెట్ కు రిటైర్మెంట్ ప్రకటించాడు.
అంబటి రాయుడు:
భారత జట్టు స్టార్ ప్లేయర్ అంబటి రాయుడు( Ambati Rayudu ) ఐపీఎల్ 2023 సీజన్లో చెన్నై జట్టు టైటిల్ గెలిచిన తర్వాత క్రికెట్ కు వీడ్కోలు పలికాడు.
స్టూవర్ట్ బ్రాడ్:
ఇంగ్లాండ్ జట్టు( England ) స్టార్ బౌలర్.అంతర్జాతీయ క్రికెట్లో 847 వికెట్లు తీశాడు.ఈ యాషెస్ 2023 టెస్టు సిరీస్ తర్వాత క్రికెట్ కు వీడ్కోలు పలికాడు.
అలెక్స్ హేల్స్:
ఇంగ్లాండ్ కు చెందిన అలెక్స్ హేల్స్( Alex Hales ) 2022 లో టీ20 ప్రపంచ కప్ గెలవడంలో కీలకపాత్ర పోషించాడు.ఇంగ్లాండ్ తరఫున అన్ని ఫార్మాట్లలో కలిపి 156 మ్యాచులు ఆడిన హేల్స్ 2023 ఆగస్టు 4న క్రికెట్ కు రిటైర్మెంట్ ప్రకటించాడు.
డ్వైన్ ప్రిటోరియస్:
దక్షిణాఫ్రికా జట్టు ఆల్ రౌండర్ డ్వైన్ ప్రిటోరియస్ 2023లో అంతర్జాతీయ క్రికెట్ కు రిటైర్మెంట్ ప్రకటించాడు.అయితే ఫ్రాంచైజీ క్రికెట్లో కొనసాగుతున్నాడు.
మురళీ విజయ్:
భారత జట్టులోకి 2008లో టెస్టుల్లో ఆరంగట్రం చేశాడు.భారత్ తరపున తొమ్మిది టీ20 మ్యాచ్లు, 17 వన్డే మ్యాచ్లు, 61 టెస్ట్ మ్యాచ్లు ఆడి, 2023లో క్రికెట్ కు రిటైర్మెంట్ ప్రకటించాడు.
జోగిందర్ శర్మ:
భారత జట్టు స్టార్ బౌలర్.2007లో టీ20 ప్రపంచ కప్ ఫైనల్లో పాకిస్తాన్ ను ఓడించడంలో కీలక పాత్ర పోషించాడు.ఈ 2023లో అన్ని ఫార్మాట్లకు వీడ్కోలు పలికాడు.
తెలుగు వార్త విశేషాలు సులభముగా తెలుసుకోండి!!!!
తాజా వార్తలు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
