వంకాయ కూరగాయ పంటలలో ఒకటి.మార్కెట్లో వంకాయ( eggplant ) కు ఏడాది పొడవున మంచి డిమాండ్ ఉంటుంది.
కాకపోతే ఈ పంటకు చీడపీడల, తెగుళ్ల బెడద చాలా ఎక్కువ.చీడపీడలు ఆశించిన వంకాయలకు మార్కెట్లో ధర ఉండదు.
కాబట్టి పంటను ఎప్పటికప్పుడు గమనిస్తూ ఉంటూ సకాలంలో సంరక్షక చర్యలు చేపడుతూ సాగు చేయాలి.వంకాయలకు లెస్ పురుగుల బెడద చాలా ఎక్కువ.
ఈ పురుగులు లేత గోధుమ రంగు, తెలుపు రంగులలో ఉంటాయి.ఈ పురుగులు దాదాపుగా నాలుగు మిల్లీమీటర్ల పొడవు వరకు పెరుగుతాయి.
ఇతర మొక్కల అవశేషాలపై జీవిస్తూ అనుకూల వాతావరణ పరిస్థితుల కోసం ఎదురుచూసి వంకాయ చెట్లపై గుడ్లు పెడతాయి.
ఈ పురుగులు గుంపులుగా చేరి మొక్కల ఆకుల కింది భాగాన సావాసాలు ఏర్పరచుకొని ఆకుల కణజాలాన్ని( Leaf tissue ) ఆహారంగా తీసుకుంటాయి.ఆకులు పసుపు రంగులోకి మారి ముడతలు పడతాయి.ఆ తర్వాత క్రమంగా మొక్క చనిపోతుంది.
వంగ కాయలు సరిగ్గా వృద్ధి చెందవు.పొలంలో ఈ పురుగులను గుర్తించిన తర్వాత ఆ మొక్క ఆకులు లేదంటే మొక్కనే పీకేసి కాల్చి నాశనం చేయాలి.
ఈ పురుగుల ఉనికి కోసం పొలంలో తరచూ గమనిస్తూ ఉండాలి.మొక్కల మధ్య అధిక దూరం ఉండేటట్లు జాగ్రత్తలు తీసుకొని, పొలంలో ఎప్పటికప్పుడు కలుపు మొక్కలను తీస్తూ ఉండాలి.
సేంద్రియ పద్ధతిలో ఈ పురుగులను అరికట్టాలంటే పైరిత్రిన్స్, వేప నూనెను మొక్కల ఆకులు పూర్తిగా తడిచేటట్లు పిచికారి చేయాలి.రసాయన పద్ధతిలో ఈ పురుగులను అరికట్టాలంటే మలాథియాన్ లేదా పెరిథ్రోయిడ్ ను మొక్క ఆకులు పూర్తిగా తడిచేటట్లు పిచికారి చేసి ఈ పురుగులను అరికట్టవచ్చు.
