ఓటీటీ ప్రభావం జనాల్లో ఏ రేంజ్ లో ఉందో రీసెంట్ గా విడుదలైన ‘పొలిమేర 2’ మూవీ( Polimera 2 ) కలెక్షన్స్ ని చూస్తే అర్థం అవుతుంది.ఈ చిత్రం మొదటి భాగం ‘మా ఊరి పొలిమేర’ థియేటర్స్ లో కాకుండా నేరుగా డిస్నీ + హాట్ స్టార్ లో( Disney Plus Hotstar ) విడుదల అయ్యింది.
ఈ సినిమాకి ఆడియన్స్ నుండి అద్భుతమైన రెస్పాన్స్ వచ్చింది.అతి తక్కువ బడ్జెట్ తో ఒక గ్రామం లో జరిగే చేతబడి హత్యల నేపథ్యం లో తీసిన ఈ సినిమా మొత్తం ఊహించని మలుపులతో, ఉరకలేసే స్క్రీన్ ప్లే తో ఓరా అనిపించుకుంది.
ఈ సినిమా సెకండ్ పార్ట్ విడుదల కోసం ఆడియన్స్ చాలా కాలం నుండి ఎదురు చూస్తున్నారు.ఓటీటీ లో విడుదల అవుతుంది అనుకుంటే, ఈ చిత్రాన్ని రీసెంట్ గానే థియేటర్స్ లో విడుదల చేసారు.
కలెక్షన్స్ వస్తాయని అనుకున్నారు కానీ, ఊహించని రీతిలో ఈ సినిమాకి వసూళ్లు రావడం ట్రేడ్ పండితులను సైతం ఆశ్చర్యానికి గురి చేసింది.
ట్రేడ్ లెక్కల ప్రకారం ఈ చిత్రానికి మొదటి రోజు దాదాపుగా నాలుగు కోట్ల రూపాయిల గ్రాస్ వసూళ్లు వచ్చాయి.నాలుగు కోట్ల రూపాయిల ప్రీ రిలీజ్ థియేట్రికల్ బిజినెస్ ని జరుపుకున్న ఈ చిత్రానికి కోటి 80 లక్షల రూపాయిలు షేర్ వసూళ్లు రాగా, నేటితో నాలుగు కోట్ల రూపాయిల మార్కుని అందుకొని బ్రేక్ ఈవెన్( Break Even ) మార్కుని దాటనుంది.అలా ఓటీటీ లో విడుదలైన ఒక సినిమా సీక్వెల్ కి ఆడియన్స్ ఈ స్థాయిలో బ్రహ్మరథం పడుతున్నారు అంటే ఓటీటీ లో( OTT ) ఈ చిత్రాన్ని ఎన్ని లక్షల మంది వీక్షించి ఉంటారో అర్థం చేసుకోవచ్చు.
ఇప్పుడు విడుదలైన సీక్వెల్ కి మొదటి భాగానికి మించిన టాక్ వచ్చింది.ఊహించని మలుపులతో ప్రేక్షకుల మైండ్ ని బ్లాస్ట్ చేసే సన్నివేశాలు ఈ చిత్రం లో బోలెడన్ని ఉన్నాయి.
కానీ ఆడియన్స్ ఊహించినంత హారర్ థ్రిల్లింగ్ ఫ్యాక్టర్( Horror Thrilling Factor ) మాత్రం ఈ చిత్రం లో కనబడలేదని చిన్న కంప్లైంట్ ఉంది.
కానీ కథలో అడుగడుగునా థ్రిల్ కి గురి చేసే స్క్రీన్ ప్లే ఉండడం వల్ల ఈ చిత్రానికి మంచి టాక్ వచ్చింది.సినిమా ప్రొమోషన్స్ లో ఈ చిత్రం లో కథానాయకుడిగా చేసిన సత్యం రాజేష్( Satyam Rajesh ) మాట్లాడుతూ, ఈ కథ కేవలం ఒకటి రెండు భాగాలతో చెప్పే సినిమా కాదు, కనీసం 5 భాగాలుగా తియ్యాల్సిన అవసరం ఉందని అంటాడు.‘పొలిమేర 2 ‘ సినిమా చూస్తున్నప్పుడు మనకి ఎన్నో అనుమానాలు ప్రశ్నలు ఏర్పడుతాయి.వీటికి క్లైమాక్స్ లో సమాధానం దొరుకుతుంది అని ఊహించిన ఆడియన్స్ కి కాస్త నిరాశ ఎదురు అవుతాది.ఆ ప్రశ్నలకు సమాధానం దొరకాలంటే మూడవ భాగం వచ్చే వరకు ఎదురు చూడాల్సిందే.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
