ఫుడ్, ఆతిథ్యం కొరకు ఎక్కువ మనీ తీసుకోవడమే కాక సర్వీసింగ్ చేసినందుకు కూడా రెస్టారెంట్స్ బాగా డబ్బులు దోచేస్తున్నాయి.తాజాగా వీరి దారి దోపిడి ఎలా ఉంటుందో తెలిపే ఒక సంఘటన జరిగింది.
వివరాల్లోకి వెళితే, కైల్, లిండ్సే ల్యాండ్‌మాన్( Kyle, Lindsay Landman ) దంపతులు ఇటీవల జార్జియాలోని బ్లూ రిడ్జ్‌లోని టోకోవా రెస్టారెంట్‌ను( Toccoa Restaurant in Blue Ridge, Georgia ) సందర్శించారు.వారి భోజనం తర్వాత, యజమాని వారికి షాకిచ్చాడు.
తల్లిదండ్రులుగా పిల్లల్ని అదుపులో ఉంచడం వారికి సాధ్యం కాలేదు అంటూ సర్‌ఛార్జ్ విధించాడు.ఆ పేరెంట్స్ నుంచి అదనంగా $50 వసూలు చేస్తున్నట్లు వారికి తెలియజేశాడు.
పిల్లల ప్రవర్తన వల్లే ఈ 50 డాలర్లు ఎక్స్‌ట్రా తీసుకుంటున్నట్లు తెలియజేశాడు.పిల్లలు చాలా బిగ్గరగా అరుస్తూ, చుట్టూ పరిగెత్తారని, దానివల్ల కస్టమర్లతో పాటు తాము కూడా డిస్టర్బ్ అయ్యామని వారు పేర్కొన్నారు. పిల్లల పేరెంట్ కైల్ ఈ రెస్టారెంట్ గురించి గూగుల్ రివ్యూ రాశాడు .అందులో తన నిరాశను వ్యక్తం చేశాడు.అతని ప్రకారం, పిల్లలు భోజనం సమయంలో చక్కగానే ప్రవర్తించారు.వారు వారి ఆహారం తిన్న తర్వాత, నిశ్శబ్దంగా ఉన్నారు.డెజర్ట్ ఆరగించిన తర్వాత కొంతమంది తల్లిదండ్రులు తమ పిల్లలను నీటి వద్దకు తీసుకెళ్లారు.
రెస్టారెంట్ యజమాని, టిమ్ రిక్టర్( Tim Richter ) (61), వారిని సంప్రదించి, మెనూలో జాబితా చేయబడిన అదనపు ఛార్జీని ‘అడల్ట్ సర్‌ఛార్జ్: అనేబుల్ టు పేరెంట్.’ వివరించాడు.కైల్ నిరసన వ్యక్తం చేసినప్పుడు, వారు బర్గర్ కింగ్‌కు చెందినవారని, తన రెస్టారెంట్ కాదని టిమ్ నొక్కి చెప్పాడు.
టిమ్ కెమెరాలో కనిపించడానికి నిరాకరించాడు, కానీ ఛానల్ 2 న్యూస్‌తో మాట్లాడుతూ కరోనా సమయంలో సర్‌ఛార్జ్‌ని అమలు చేసానని చెప్పాడు.తాను ఈ కుటుంబాన్ని మాత్రమే హెచ్చరించానని టిమ్ పేర్కొన్నాడు.
తల్లిదండ్రులు బాధ్యత వహించాలని అతను కోరుకుంటున్నాడు.అయితే ఈ రెస్టారెంట్ గురించి గూగుల్ లో చాలా నెగిటివ్ రివ్యూస్ వచ్చాయి.
