రోడ్డు మీద డ్రైవింగ్ చేసేటప్పుడు ప్రతి ఒక్కరూ జాగ్రత్తగా ఉండాలి.కాస్త అజాగ్రత్తగా ఉన్నా తీవ్రమైన ప్రమాదానికి గురయ్యే ప్రమాదం పెరుగుతుంది.
అయితే, ఒక వ్యక్తి ఉద్దేశపూర్వకంగా తన ప్రాణాలను, ఇతరుల ప్రాణాలను ప్రమాదంలో పడేసాడు.ఈ షాకింగ్ ఘటన న్యూజెర్సీలో ( New Jersey )చోటు చేసుకుంది.
ఈ ఘటనలో ఓ వ్యక్తి స్పీడ్‌గా తన ఎస్‌యూవీని నేరుగా పోలీస్‌స్టేషన్‌లోకి డ్రైవ్ చేశాడు.
ఆ సమయంలో పోలీస్ స్టేషన్ డోర్స్ క్లోజ్ చేసి ఉన్నాయి.పోలీసు అధికారులందరూ స్క్వాడ్ రూమ్‌లో ( squad room )రెస్ట్ తీసుకుంటున్నారు.సరిగ్గా అప్పుడే 34 ఏళ్ల జాన్ హార్గ్రీవ్స్ ఎస్‌యూవీ( John Hargreaves SUV ) వేసుకుని పోలీస్ స్టేషన్‌లోకి దూసుకొచ్చాడు.
పోలీస్ స్టేషన్ తలుపులు పగలగొట్టడమే కాకుండా పోలీస్ స్టేషన్‌లోని పలు వస్తువులను ధ్వంసం చేశాడు.ఈ సంఘటనకు సంబంధించిన వీడియో స్టేషన్‌లోని సీసీటీవీ కెమెరాలో రికార్డు అయింది.
ఆ వీడియోలో సదరు వ్యక్తి కారుతో పోలీస్ స్టేషన్ తలుపులు బద్దలు కొట్టుకొని లోపలికి వచ్చినట్లు మీరు చూడవచ్చు.కారు స్టేషన్‌లోని బల్లలను, ఇంకా ఇతర వస్తువులను కూడా ధ్వంసం చేసింది.దాంతో అక్కడ ఉంచిన వస్తువులన్నీ అస్తవ్యస్తంగా మారాయి.ఆ తర్వాత ఆ వ్యక్తి కారులోంచి బయటకు వచ్చి తాను సరెండర్ అయినట్లు చేతులు పైకెత్తాడు.లేదంటే పోలీసులు అతడిని అక్కడికక్కడే కాల్చి చంపేసేవారు.ప్రమాద శబ్దం విన్న వెంటనే ఇద్దరు పోలీసు అధికారులు గది నుంచి బయటకు వచ్చి వెంటనే అతడిని అదుపులోకి తీసుకున్నారు.
ఆ వ్యక్తి కూడా అరెస్టు చేస్తుంటే పెద్దగా గొడవ చేయకుండా సంకెళ్లు వేయించుకున్నాడు.సెప్టెంబర్ 20న జరిగిన ఈ ఘటన పోలీస్ స్టేషన్‌లోని సీసీటీవీ కెమెరాలో రికార్డయింది.
దానిని రీసెంట్ గా సోషల్ మీడియాలో షేర్ చేశారు.అప్పటినుంచి అది వైరల్ గా మారింది.
కొన్ని నివేదికలను విశ్వసిస్తే, ఈ నేరానికి పాల్పడిన ఈ వ్యక్తికి 30 ఏళ్ల నుంచి జీవిత ఖైదు పడే అవకాశం ఉందని చెబుతున్నారు.
