ఈ నగరంలో విదేశీయులకు 3 నెలల పాటు ఉచిత బస, కానీ ఎవరూ వెళ్ళరు..?

రిలాక్స్ అవ్వడానికి చాలామంది ప్రశాంతంగా ఉన్న ప్రదేశం కోసం వెతుకుతుంటారు.అలాంటి వారిని ఇటలీలోని( Italy ) ఒక అందమైన నగరం పిలుస్తోంది.

ఇక్కడ మూడు నెలల పాటు ఉచితంగా ఉండొచ్చు.ఆహారం, పానీయాలు కూడా చాలా చౌకగా ఉంటాయి.

ప్రభుత్వం నుండి అనేక సౌకర్యాలను కూడా పొందుతారు.ఇన్ని ప్రయోజనాలు ఉన్నా ఇక్కడ నివసించడానికి ఎవరూ ఇష్టపడరు.

నమ్మడానికి విడ్డూరంగా అనిపించినా ఇది నిజం.

డైలీ మెయిల్ నివేదిక ప్రకారం, ఈ ప్రదేశం పేరు ఒల్లోలై (Ollolai).

ఇటలీలోని ఈ అందమైన ద్వీపం ఒకప్పుడు ప్రజలతో చాలా సందడిగా ఉండేది.ఇక్కడ వేలాది మంది నివసించేవారు.

కానీ చాలా వేగంగా ఈ ఊరి ప్రజలు నగరాల్లోకి వెళ్లి స్థిరపడుతున్నారు.దీంతో ఇక్కడ జనాభా ఇప్పుడు వెయ్యి లోపే తగ్గిపోయింది.

ఇళ్లు నిర్మానుష్యంగా మారాయి.ఏదో ఒక రోజు నగరం ఘోస్ట్ టౌన్ గా( Ghost Town ) మారే ప్రమాదం ఉందని నగర మేయర్ ఆందోళన చెందుతున్నారు.

అందుకే విదేశీయులకు ( Foreigners ) ఇక్కడే ఉండమని ఆఫర్ ఇచ్చారు.కొన్ని రోజుల క్రితం, అతను కూడా పాడుబడిన ఇళ్ళను విక్రయించడానికి ప్రయత్నించారు, తద్వారా ఎవరైనా వాటిని కొనుగోలు చేసి అక్కడ నివసించవచ్చు, తద్వారా ఈ నగరంలో జనాభా( Population ) కొంచెం పెరుగుతుంది.ఇళ్ల ధర రూ.80 మాత్రమే నిర్ణయించినా ప్రజలు పెద్దగా ఆసక్తి చూపలేదు.

ఒల్లోలై సార్డినియాలోని మారుమూల పర్వత ప్రాంతంలో ఉంది, ఇది ప్రధాన నగరాలు, రవాణా కేంద్రాలకు దూరంగా ఉంది.ఈ ప్రాంతం నుంచి పట్టణానికి వెళ్లడం, తిరిగి రావడం కష్టం, ఖరీదైనది.అవసరమైన సేవలు, సౌకర్యాలను పొందడం కూడా కష్టతరం చేస్తుంది.ఇంకా మారుమూల ప్రాంతాల్లో నివసిస్తే ఎన్ని సవాళ్లు ఎదురవుతాయో అన్ని సవాళ్లు ఇక్కడ ఎదురవుతాయి.అందుకే ప్రజలు ఇక్కడ నివసించడానికి ఆసక్తి చూపడం లేదు.ఉచితంగా బస ఉంటుందని చెప్పినా పర్యాటకులు కూడా ఇక్కడికి వచ్చేందుకు ఇంట్రెస్ట్ చూపించడం లేదు.