ఖమ్మం బరిలో ఆయన ..పాలేరు బరిలో ఈయన ? 

మాజీ మంత్రి తుమ్మల నాగేశ్వరావు( Tummala Nageswara Rao ) పాలేరు నుంచి పోటీ చేయాలని ఎప్పటి నుంచో ఆశలు పెట్టుకున్నారు.కాంగ్రెస్ లో వైఎస్సార్ తెలంగాణ పార్టీని విలీనం చేసేందుకు సిద్ధమైన వైఎస్ షర్మిల కూడా పాలేరు అసెంబ్లీ సీటు తనకు కేటాయించాలని షరతులు విధిస్తున్నారు.దీంతో ఈ నియోజకవర్గంలో సీటు ఎవరికి దక్కుతుంది అనేది ఆసక్తికరంగా మారింది.

అయితే బీఆర్ఎస్ తరఫున ఖమ్మం నుంచి రవాణా శాఖ మంత్రి పువ్వాడ అజయ్, పాలేరు నుంచి కందాల ఉపేందర్ రెడ్డి పోటీ చేయబోతున్నారు.దీంతో కాంగ్రెస్ నుంచి ఎవరు ఏ నియోజకవర్గం నుంచి పోటీ చేస్తారనేది ఉత్కంఠ కలిగిస్తుంది.

ఖమ్మం అసెంబ్లీ నుంచి తుమ్మల నాగేశ్వరావు పోటీ చేసే విధంగా కాంగ్రెస్ కీలక నేతలు ఒప్పించారు.

 పాలేరు నియోజకవర్గంలో కందాల ఉపేందర్ రెడ్డి బీఆర్ఎస్( BRS ) నుంచి పోటీ చేస్తుండడంతో అక్కడ రెడ్డి సామాజిక వర్గానికి చెందిన అభ్యర్థిని పోటీకి దించాలని కాంగ్రెస్ నిర్ణయించుకుందట ము ఈ మేరకు మాజీ ఎంపీ పొంగులేటి శ్రీనివాస్ రెడ్డిని పాలేరు నుంచి పోటీకి దింపాలనే ఆలోచనలో ఉందట.ఖమ్మం జిల్లాలో పాలేరు , ఖమ్మం అసెంబ్లీ నియోజకవర్గాలే జనరల్ కేటగిరిలో ఉన్నాయి.త్వరలోనే కాంగ్రెస్ ప్రకటించబోయే అభ్యర్థుల జాబితాలో ఖమ్మం నుంచి తుమ్మల, పాలేరు నుంచి పొంగులేటి పేర్లు ఉండబోతున్నాయట.