తాజాగా యూకేలోని లీసెస్టర్లో( Leicester, UK ) ప్రముఖ భారతీయ వ్యాపారవేత్తను పోలీసులు అన్యాయంగా అరెస్టు చేశారు.అంతేకాదు ఎన్నారైలు ఎంతో ఆనందోత్సాహాలతో జరుపుకుంటున్న హిందూ మతపరమైన గణేష్ చతుర్థి కార్యక్రమానికి కూడా పోలీసులు అంతరాయం కలిగించారు.
ఇది బ్రిటిష్ హిందువులకు కోపం తెప్పించింది.వ్యాపారవేత్త ధర్మేష్ లఖానీ,( Dharmesh Lakhani ) పోలీసులు తనతో, హిందూ పూజారితో చాలా కఠినంగా ప్రవర్తించారని ఆరోపణలు చేశారు.
అతను ఇప్పుడు వైద్య చికిత్స తీసుకుంటున్నారు.అక్రమ ఊరేగింపుపై వచ్చిన రిపోర్టుపై మాత్రమే తాము స్పందించినట్లు పోలీసులు తెలిపారు.
అయితే ఇది కేవలం రెండు మతపరమైన విగ్రహాలను వేడుక కోసం ఆలయానికి తీసుకెళ్తున్న చిన్న సమూహం మాత్రమేనని లఖానీ చెప్పారు.
ఒక పోలీసు అధికారి పూజారిని వేధించడం, అతనిని అసభ్యంగా ప్రవర్తించడం ప్రారంభించాడని లఖానీ చెప్పారు.లఖానీ జోక్యం చేసుకోవడంతో, అతన్ని నెట్టి అరెస్టు చేశారు.లఖానీకి గుండె జబ్బు ఉంది.
అతను ఈ విషయాన్ని అధికారికి చెప్పాడని, అయితే అధికారి తన చేతికి గట్టిగా సంకెళ్ళు వేసి తన చేయి మెలితిప్పినట్లు చెప్పాడు.ఆ సంఘటనకు సంబంధించిన వీడియోలు వైరల్ గాను మారాయి.
అందులో లఖానీ చేతికి సంకెళ్లు వేసి ఉండటం కనిపించింది.రోడ్డుకు అడ్డంగా తోసుకుంటూ పోలీసులు వెళ్తుంటే “నాకు గుండె జబ్బు ఉందని చెప్పు” అని లఖానీ అరుస్తున్నట్లు అనిపించింది.“మా పండుగను జరుపుకోవడానికి మీరు అనుమతించడం లేదు” అని అక్కడున్నవారు అరవడం వినబడుతుంది.ఈ సంఘటన 2023, సెప్టెంబర్ 18-19 తేదీల్లో యూకేలోని లీసెస్టర్లో జరిగింది.
ఈ రెండు సంఘటనలు బ్రిటిష్ హిందువులలో దేశవ్యాప్త ఆగ్రహాన్ని రేకెత్తించాయి.
