సమాజంలో ఒంటరిగా రోడ్లపై వెళ్లే మహిళలకు రక్షణ లేకుండా పోతోంది.కేంద్ర, రాష్ట్ర ప్రభుత్వాలు ఎన్ని చట్టాలు తెచ్చిన, ఎంత కఠిన శిక్షలు విధించిన కొందరు నీచమైన వ్యక్తులలో కాస్తయినా మార్పు అనేది లేదు అనేందుకు ఈ సంఘటనే నిదర్శనం.
రంగారెడ్డి( Ranga Reddy ) జిల్లాలో రోడ్డుపై ఒంటరిగా వెళ్తున్న ఓ యువతిని బట్టలన్నీ చింపేసి నగ్నంగా రోడ్డుపై నిలబెట్టి, చుట్టుపక్కల ఉండే స్థానికులను ఓ మందు బాబు భయబ్రాంతులకు గురిచేశాడు.అసలు ఏం జరిగిందో అనే వివరాలు చూద్దాం.
వివరాల్లోకెళితే.పెద్ద మారయ్య( pedda marayya ) (30) అనే వ్యక్తి కూలి పనులు చేసుకుంటూ జీవనం సాగిస్తున్నాడు.పెద్ద మారయ్య పీకలదాకా మద్యం తాగి ఆదివారం అర్ధరాత్రి సమయంలో జవహర్ నగర్ పోలీస్ స్టేషన్( Jawahar Nagar Police Station ) పరిధిలోని బాలాజీ నగర్ బస్ స్టాప్ వద్ద ఒంటరిగా నడుచుకుంటూ వెళ్తున్న యువతి (28) తో చాలా అసభ్యంగా ప్రవర్తించి, ఆమెపై దాడి చేసి ఒంటిపై ఉండే బట్టలు అన్ని చింపేశాడు.ఇదంతా చూస్తున్న మరో మహిళ అడ్డుకునేందుకు ప్రయత్నించగా ఆ మహిళపై కూడా దాడికి ప్రయత్నించాడు.
ఇక ఆ యువతి ను బట్టలు లేకుండా నగ్నంగా చేసి రోడ్డుపై నిలబెట్టి నానా రచ్చ చేశాడు.చుట్టుపక్కల ఉండే వారంతా చూస్తూ నిలబడడం తప్ప అడ్డుకునే ప్రయత్నం చేయలేకపోయారు.దాదాపుగా 15 నిమిషాల పాటు ఆ యువతిని రోడ్డుపై నగ్నంగా కూర్చోబెట్టి, తరువాత పెద్ద మారయ్య అక్కడి నుంచి వెళ్లిపోయాడు.ఆ కీచకుడు అక్కడి నుండి వెళ్ళిపోయిన వెంటనే పలువురు ఆ మహిళపై వస్త్రాలు కప్పి పోలీసులకు సమాచారం అందించారు.
పోలీసులు సంఘటనా స్థలానికి చేరుకుని ఆ యువతికి రక్షణ కల్పించి పెద్ద మారయ్యను అరెస్టు చేసి అదుపులోకి తీసుకున్నారు.పోలీసులు చుట్టుపక్కల ఉండే సీసీటీవీ ఫుటేజ్ లను పరిశీలించగా ఇందులో అన్ని దృశ్యాలు రికార్డ్ అయ్యాయి.
వాటి ఆధారంగా పోలీసులు కేసు నమోదు చేసి దర్యాప్తు చేస్తున్నారు.
తెలుగు వార్త విశేషాలు సులభముగా తెలుసుకోండి!!!!
