అసెంబ్లీలో మంత్రి కేటీఆర్ తో సమావేశంపై కాంగ్రెస్ ఎమ్మెల్యే జగ్గారెడ్డి స్పందించారు.ఈ మేరకు కానిస్టేబుళ్ల బదిలీ కోసం కేటీఆర్ ను కలిసినట్లు ఆయన తెలిపారు.
తమ నియోజకవర్గానికి చెందిన కానిస్టేబుళ్ల బదిలీ ఆపాలని మంత్రి కేటీఆర్ ను కోరినట్లు వెల్లడించారు.అయితే అసెంబ్లీలో మంత్రి ఛాంబర్ లో కేటీఆర్ ను జగ్గారెడ్డి కలవడం రాష్ట్ర రాజకీయాల్లో చర్చనీయాంశంగా మారిన సంగతి తెలిసిందే.
గత కొన్ని రోజులుగా కాంగ్రెస్ కు దూరంగా ఉంటూ వస్తున్న సంగతి తెలిసిందే.అయితే తాను కేవలం కానిస్టేబుళ్ల బదిలీలు ఆపాలనే వ్యవహారంపై మంత్రి కేటీఆర్ తో సమావేశం అయినట్లు జగ్గారెడ్డి స్పష్టం చేశారు.
