బాపట్ల జిల్లాలో దారుణం.. భార్య కోసం తల్లిని హతమార్చిన కసాయి కొడుకు..!

వివరాల్లోకెళితే.ఆంధ్రప్రదేశ్( Andhra Pradesh ) లోని బాపట్ల జిల్లా జే పంగులూరు మండలం రామకూరులో శ్రీనివాస రావు( Srinivasa Rao ) అనే వ్యక్తి తన భార్య, తన తల్లితో కలిసి నివాసం ఉంటున్నాడు.కుమారుడికి పెళ్లి అయ్యాక అత్తా కోడళ్ళ మధ్య గొడవలు జరగడం అనేది సర్వసాధారణం అని అందరికీ తెలిసిందే.

ఇక శ్రీనివాస రావు భార్యకి, తల్లికి మధ్య కూడా వివాహం జరిగినప్పటి నుంచి తరచూ గొడవలు జరిగేవి.కొంతకాలం క్రితమే శ్రీనివాసరావు ఒక కొత్త ఇల్లు కట్టుకున్నాడు.

ఆ తర్వాత అత్తా కోడల మధ్య గొడవలు మరింత పెరిగాయి.తల్లి ఇంట్లోకి వస్తే బయటకు వెళ్ళిపోతానని శ్రీనివాస రావు ను భార్య బెదిరించింది.

దీంతో శ్రీనివాసరావుకు ఏం చేయాలో అర్థం కాలేదు.చివరికి భార్య కోసం తల్లినే హతమార్చాలని అనుకున్నాడు.

ఒక మాస్టర్ ప్లాన్ రచించి తల్లిని ఊరి బయట ఉండే కుంట దగ్గరికి తీసుకువెళ్లి, ఆ ప్రాంతంలో ఎవరూ లేని సమయంలో తల్లిని కుంటలో తోసి చంపేశాడు.ఇక తనకేం తెలియనట్టు ఇంటికి వచ్చేసాడు.తెల్లవారుజామున అటువైపుగా వెళుతున్న పశువుల కాపరులు ముసలావిడ మృతదేహాన్ని చూసి పోలీసులకు సమాచారం అందించారు.పోలీసులు మృతదేహాన్ని పరిశీలించి, విచారించగా శ్రీనివాసరావు మాటతీరుపై కాస్త అనుమానం కలిగింది.

దీంతో తమదైన శైలిలో విచారించగా అసలు నిజం బయట పెట్టడంతో స్థానికంగా తీవ్ర కలకలం రేగింది.పోలీసులు కేసు నమోదు చేసి శ్రీనివాసరావును అరెస్టు చేశారు.