టెక్నాలజీ వేగంగా వృద్ధి చెందుతోంది.రోజుకో కొత్త సాంకేతికత అందుబాటులోకి వస్తోంది.
ఆర్టిఫిషియల్ ఇంటెలిజెన్స్ వినియోగం బాగా పెరిగిపోతోంది.ప్రతి రంగంలోనూ ఏఐ బాగా ఉపయోగపడుతుంది.
ఆర్టిఫిషియల్ ఇంటెలిజెన్స్ ( Artificial Intelligence )వ్యవస్థతో నడిచే చాట్ జీపీటీ అందుబాటులోకి వచ్చిన తర్వాత చాలా పనులు సులువవుతున్నాయి.ఛాట్ జీపీటీతో అర్టిఫిషియల్ ఇంటెలిజెన్స్ గురించి గత కొంతకాలంగా తెగ చర్చ జరుగుతోంది.
ఛాట్ జీపీటీ( Chat GPT )తో మానవాళికి ముప్పు ఏర్పడనుందని చెబుతున్నారు.
అయితే తాజాగా ఏఐ ప్రపంచంలోనే మరో సంచలనం చోటుచేసుకుంది.ఏఐ ఆధారిత డిస్క్ జాకీని ప్రవేశపెట్టారు.యూఎస్ రేడియో స్టేషన్‌లో ఈ డిస్క్ జాకీని పెట్టారు.ఆల్పా మీడియా( Alpha Media ) యాజమాన్యంలోని యూఎస్ రేడియో స్టేషన్ కేబీఎఫ్‌ఎఫ్ లైవ్ 95.5 ఎఫ్ రేడియోలో తొలి అర్టిఫిషియల్ ఇంటెలిజెన్స్ డీజేను అభివృద్ధి చేశారు.దీంతో ప్రపంచంలోనే మొట్టమొదటి ఏఐ బేస్డ్ డీజేను ఏర్పాటు చేసిన రేడియో స్టేషన్‌గా గుర్తింపు పొందింది.మిడ్ డే హోస్ట్ యాప్లే ఎల్జింగాకి ఏఐ వెర్షన్ ను అభివృద్ధి చేయడానికి పూట్రీ మీడియాకు సంబంధించిన రేడియోజీపీటీ సాఫ్ట్‌వేర్ ను ఉపయోగించినట్లు తెలుస్తోంది.
ప్రస్తుతం ఈ ఆర్టిఫిషియల్ ఇంటెలిజెన్స్ డీజే ఇప్పుడు రేడియో స్టేషన్ ( AI DJ radio station )లో మధ్యాహ్న ప్రదర్శనను నిర్వహిస్తోంది.ప్రముఖ వార్త సంస్థ ఫాక్స్ న్యూస్ దీనికి సంబంధించిన వార్తను ప్రచురించింది.అయితే డీజే రేడియోలు, పార్టీలు, క్లబ్‌లు, కచేరీల వంటి ఈవెంట్ లలో రికార్డ్ చేసిన సంగీతాన్ని ప్లే చేస్తారు.
పాటలను మిక్స్ చేయడం, అదిరిపోయే మ్యూజిక్ ను కంటిన్యూగా ప్లే చేయడం లాంటివి చేస్తూ ఉంటారు.కానీ ఇప్పుడు ఏఐ డీజే సులభంగా ఈ పనులను నిర్వర్తిస్తుంది.
ఈ రేడియోజీపీటీ సాఫ్ట్ వేర్ కంటెంట్ క్రియేటర్లను వివిధ మార్గాల్లో ప్రెజెంట్ చేయడానికి ఉపయోగపడుతుందని అప్పా మీడియా కంటెంట్ ఎగ్జిక్యూటివ్ వైస్ ప్రెసిడెంట్ ఫిల బెకర్ తెలిపారు.
తెలుగు వార్త విశేషాలు సులభముగా తెలుసుకోండి!!!!
అవీ...ఇవి
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
