జనసేన పార్టీ నాయకులు మరియు కార్యకర్తలు ఎప్పుడెప్పుడా అంటూ ఎదురు చూస్తున్న పవన్ కళ్యాణ్ వారాహి యాత్ర( Pawan Kalyan Varahi ) నేడు ప్రారంభం అయ్యింది.రెండు వారాల పాటు ఈ యాత్ర కొనసాగబోతుంది.
పలు నియోజక వర్గాల్లో పవన్ యాత్ర కొనసాగబోతుంది.రాష్ట్ర వ్యాప్తంగా విడుతల వారీగా ఈ యాత్ర సాగబోతుంది అంటూ జనసేన పార్టీ( Janasena ) నాయకులు మరియు కార్యకర్తలు మాట్లాడుకుంటున్నారు.
ఇదే సమయంలో పవన్ కళ్యాణ్ సినిమాలు కొన్ని షూటింగ్ ముగింపు దశలో ఉండగా మరి కొన్ని సినిమాలు షూటింగ్ ఆరంభ దశలో మాత్రమే ఉన్నాయి.దాంతో నిర్మాతలు సినిమా లను ఎప్పుడు ముగిస్తామా అంటూ ఆసక్తిగా ఎదురు చూస్తున్నారు.
వచ్చే నెలలో పవన్ కళ్యాణ్ బ్రో సినిమా తో ( Bro Movie ) ప్రేక్షకుల ముందుకు రాబోతున్నాడు.ఆ సినిమా యొక్క ప్రమోషన్ కార్యక్రమాలకు పవన్ హాజరు అవుతాడా లేదా అనేది తెలియదు.ఇక పవన్ మొన్నటి వరకు ఓజీ సినిమా( OG Movie ) షూటింగ్ లో పాల్గొన్నాడు.ఆ సినిమా ను ఇదే ఏడాది ప్రేక్షకుల ముందుకు తీసుకు రావాలని భావిస్తున్నారు.
సాహో సుజీత్ దర్శకత్వం లో రూపొందుతున్న ఆ సినిమా యొక్క షూటింగ్ కార్యక్రమాల కోసం పవన్ ఎక్కువ సమయం కేటాయించి అందరి దృష్టిని ఆకర్షించాడు.
మరో వైపు ఉస్తాద్ భగత్ సింగ్( Ustaad Bhagat Singh ) మరియు హరి హర వీరమల్లు( Harihara Veeramallu ) సినిమాల యొక్క పరిస్థితి ఏంటో అర్థం కావడం లేదు అంటూ అభిమానులు మాట్లాడుకుంటున్నారు.పార్టీ యొక్క కార్యక్రమాల కోసం సినిమాలను పక్కన పెడుతాను అంటూ గతంలో పలు సార్లు పవన్ కళ్యాణ్ పార్టీ కార్యక్రమాల్లో పాల్గొన్న సందర్భంగా చెప్పిన విషయం తెల్సిందే.అందుకే ఇప్పుడు సినిమా ల యొక్క షూటింగ్స్ అన్నింటిని కూడా వదిలేసి రెండు వారాల పాటు వారాహి యాత్ర తో బిజీగా ఉండబోతున్నాడు.
