యూకేలో మైనర్‌కు కత్తి అమ్ముతూ అడ్డంగా బుక్కైన ఎన్నారైలు..

ఇంగ్లాండ్ దేశంలోనే ఒక నగరంలో 17 ఏళ్ల యువకుడికి క్రాఫ్ట్ కత్తిని అమ్ముతూ ఎన్నారైలు రెడ్ హ్యాండెడ్‌గా దొరికిపోయారు.ఓ దుకాణం యజమానులైన బల్వీందర్ సింగ్ చోకర్, రాజిందర్ కౌర్( Balwinder Singh Chokar, Rajinder Kaur ) కత్తిని అమ్మినందుకుగాను చట్టపరంగా చర్యలను ఎదుర్కొంటున్నారు.

ఇటీవల వీరు కోర్టులో కూడా హాజరు కావలసి వచ్చింది.దుకాణాలు చట్టాన్ని అనుసరిస్తున్నాయో లేదో చెక్ చేయడానికి స్థానిక కౌన్సిల్ ఒక యువకుడిని కస్టమర్‌గా పంపిన పరీక్షలో ఈ సంఘటన జరిగింది.

ఈ ఆపరేషన్ సమయంలో స్టోర్‌లో పనిచేస్తున్న రాజిందర్ కౌర్, ప్యాకేజింగ్‌ను సరిగ్గా చెక్ చేయకుండా లేదా పట్టించుకోకుండా కత్తిని విక్రయించాడు.ప్యాకేజింగ్‌పై ఆ కత్తి 18 ఏళ్లు పైబడిన వారికి మాత్రమే విక్రయించాలని స్పష్టంగా రాసి ఉంది.

అయితే ఈ విషయం గమనించకుండా వారు కత్తిని అమ్మేశారు.ఫలితంగా, ఇద్దరు యజమానులు నేరాన్ని అంగీకరించాల్సి వచ్చింది.యూకే ప్రభుత్వం( UK Govt) ఒక్కొక్కరికి £293 చొప్పున జరిమానా విధించింది.అంటే వారిద్దరూ కలిసి మొత్తం 568 పౌండ్లు (దాదాపు రూ.59 వేలు) జరిమానాగా చెల్లించాల్సి వస్తోంది.దుకాణం ఉన్న సోలిహుల్‌లోని కౌన్సిల్( Council in Solihull ) ఈ సందర్భంగా మాట్లాడుతూ రిటైలర్లు చట్టాన్ని పాటించాలని, అడల్ట్స్‌కి మాత్రమే అమ్మే వస్తువులను మైనర్లకు విక్రయించకూడదని గుర్తు చేయడానికి ఇటువంటి ప్రాసిక్యూషన్‌లు అవసరమని అభిప్రాయపడింది.

ఇదే సందర్భంలో, మైనర్‌కు వయో పరిమితి ఉన్న ఉత్పత్తిని విక్రయించినందుకు మరొక దుకాణ యజమాని ఇటీవల £ 125 జరిమానా విధించబడింది.యూకేలోని చట్టం ప్రకారం 18 ఏళ్లలోపు వ్యక్తులకు షాకులతో సహా కత్తులు, వంటగది కత్తులు కూడా విక్రయించడం చట్టవిరుద్ధం.సోలిహుల్ కౌన్సిల్ 2022లో సెప్టెంబరు, అక్టోబర్ నెలలలో టెస్టింగ్ లో భాగంగా అనేక కొనుగోళ్లను నిర్వహించింది.ఈ ప్రాంతంలోని వివిధ దుకాణాలను సందర్శించింది.

పరీక్షించిన 11 షాపుల్లో నాలుగు షాపులు నిర్దిష్ట ఏజ్-రిజిస్ట్రిక్టేడ్ వస్తువులను విక్రయించడానికి నిరాకరించగా, నాలుగు కత్తులు, మూడు ఆల్కహాల్ ప్రొడక్ట్స్ తక్కువ వయస్సు గల వినియోగదారులకు విక్రయించబడ్డాయి.మైనర్లకు పరిమితం చేసిన వస్తువులను విక్రయించేటప్పుడు వ్యాపారం, విక్రయానికి బాధ్యత వహించే వ్యక్తి ఇద్దరూ బాధ్యత వహించాలి.ఇది కత్తులు, మద్యం, వేప్‌ల వంటి వస్తువులకు వర్తిస్తుంది.