సోషల్ మీడియాలో వైరల్ అవుతున్న వీడియోలు ఒక్కోసారి చాలా భయానకమైన పరిస్థితుల్ని కల్పిస్తాయి.వామ్మో! మనం అలాంటి స్థితిలో ఉంటే ఎలా ఉంటుంది? అనే అనుమానం కలగక మానదు.తాజాగా అలాంటి సంఘటనకు సంబంధించినటువంటి ఓ వీడియో ఒకటి సోషల్ మీడియా తెగ వైరల్ అవుతోంది.ఆ వీడియో చూస్తే అందులో కనిపించిన పాప ఎంత అదృష్టవంతురాలో మనకి అర్ధం అవుతుంది.
అందుకే మన పెద్దలు అప్పుడప్పుడు అదృష్టం గురించి మాట్లాడుతారు.
అవును, కర్నాటక( Karnataka ) రాష్ట్రంలోని బెళగావి( Belagavi ) జిల్లాలోని హలగా గ్రామంలో ఈ ఘటన వెలుగు చూడగా ప్రస్తుతం ఆ దృశ్యం సోషల్ మీడియాలో హల్ చల్ చేస్తోంది.వీడియోని ఒకసారి పరిశీలిస్తే, చిన్నారి బయట నుండి ఇంట్లోకి ప్రవేశిస్తుంది.సరిగ్గా అదే సమయానికి ఇంటి గుమ్మం వద్ద ఓ తాచుపాము( Snake ) అక్కడే కాచుకుని ఉంది.
పాప ఆ ప్రమాదకర సర్పాన్ని చూడలేదు పాపం.అలాగే ఇంట్లోకి అడుగుపెట్టేందుకు యత్నించగా పాము తల పైకెత్తి అమ్మాయిని కరిచేందుకు యత్నించింది.
దీంతో పామును చూసి ఒక్కసారిగా కంగుతిన్న బాలిక, అక్కడి నుంచి పరుగులు తీసింది.దీంతో పెను ప్రమాదం నుంచి బయడపింది.
ఈ ఘటన తాలూకా దృశ్యాలు సీసీ కెమెరాలో రికార్డ్ అవ్వగా అది కాస్త సోషల్ మీడియాలో ప్రత్యక్షం అయింది.ప్రజంట్ పీక్ సమ్మర్ నడుస్తుంది.వేడిమిని తట్టుకోలేని పాములు జనావాసాల్లోకి ప్రవేశిస్తున్నాయి.అందుకే ఈ కాలంలో మరియు వర్షాకాలంలో కాస్త అప్రమత్తంగా ఉండాలి.అవి ఎక్కువగా నీటి మడుగులు, చెట్ల పొదల వంటి ప్రాంతాల్లో సేదతీరుతూ ఉంటాయి.ఆదమరిచి అటుగా అడుగులు వేస్తే ఇక అంతే.
పాము కాటుకు గురయ్యే ప్రమాదం ఉంటుంది.అందుకే కాస్త జాగ్రత్తగా ఉండాలి.
