బెవర్లీ గిల్మర్( Beverly Gilmour ) అనే 57 ఏళ్ల మహిళ ఇప్పుడు ఇంటర్నెట్లో సంచలనంగా మారింది.ఈ మహిళ తన 20 ఏళ్లలో బ్రెయిన్ ట్రామాతో బాధపడింది.
ఆ సమయంలో చనిపోయిన వారితో తనకు అసాధారణ అనుభవాలు ఎదురయ్యాయని పేర్కొంది.అంతేకాదు తాను నెలకు మూడుసార్లు చనిపోతానని, మరణానంతర జీవితంలో ప్రముఖ వ్యక్తులను కలుస్తానని చెప్పి ఆశ్చర్యానికి లోను చేసింది.
గిల్మర్ ప్రకారం, ఈ అనుభవాల సమయంలో, ఆమెకు తన గుండె ఆగిపోయినట్లు, శరీరం నెమ్మదిగా మూసుకున్నట్లు అనిపిస్తుందట.మరణించిన వారిని కలవడానికి ముందు భౌతికంగా తన శరీరాన్ని విడిచిపెట్టినట్లు అనిపిస్తుందని ఆమె చెప్పుకొచ్చింది.
గిల్మర్ తన అనుభవాల సమయంలో జీసస్, వాల్ట్ డిస్నీలను( Jesus, Walt Disney ) సైతం కలిశానని చెప్పి ఆశ్చర్యపరిచింది.1980లలో జీసస్తో మంచి సంబంధాన్ని కూడా ఏర్పరచుకున్నట్లు చెప్పి షాక్ ఇచ్చింది.వాల్ట్ డిస్నీని కలవడం గురించి కూడా ఆమె చాలా వ్యాఖ్యలు చేసింది.వాల్ట్ డిస్నీ తనకు కథలు చూపిస్తున్నాడని, అతనిని కలిసినప్పుడు, అక్కడ ఒక అద్భుతమైన భవనం ఉందని ఆమె చెప్పుకొచ్చింది.
చనిపోయిన తర్వాత జీవితంలో నుంచి తిరిగి అసలు జీవితంలోకి వచ్చినప్పుడు తాను ఒక ట్రాన్స్లోకి వెళ్తానని వివరించింది.అనంతరం అతని కథలను రాసి, అతను తనకు చూపించిన ప్రతిదానికీ చిత్రాలను గీస్తానని ఆమె తెలిపింది.
గిల్మర్ ఈ ఎపిసోడ్ల సమయంలో చనిపోయిన తన తల్లిదండ్రులను కూడా కలిసినట్లు పేర్కొనడం గమనార్హం.ఆమె తన తండ్రితో జరిగిన అనుభవాన్ని వివరిస్తూ, “నేను అతనిని మొదటిసారి కలిసినప్పుడు, అతను మరణించినప్పుడు అతని వయస్సు 52, రెండవసారి నేను అతనిని కలిసినప్పుడు, అతను దాదాపు 30 ఏళ్ల వయస్సులో ఉన్నాడు.అతను చాలా సంతోషంగా కనిపించాడు.” అని చెప్పింది.గిల్మర్ తన అనుభవాలు మొదట్లో ఎప్పుడూ అర్థం చేసుకోలేమని, తర్వాత వాటిని అర్థం చేసుకోవడానికి కొంత సమయం పడుతుందని చెప్పింది.మరోవైపు బెల్జియంలోని యూనివర్శిటీ ఆఫ్ లీజ్లోని( University of Liège, Belgium ) కోమా సైన్స్ గ్రూప్కు చెందిన పరిశోధకులు గిల్మర్తో కలిసి ఆమె పరిస్థితిని బాగా అర్థం చేసుకోవడానికి కృషి చేస్తున్నారు.
తెలుగు వార్త విశేషాలు సులభముగా తెలుసుకోండి!!!!
అవీ...ఇవి
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
