కాదేది కవితకు అనర్హం అన్నట్టు, ఆలోచన ఉండాలేగాని సాధారణమైన విషయాన్నీ కూడా అసాధారణ విషయంగా మార్చొచ్చు.అవును, చాలా మంది తమ తెలివితేటలతో రకరకాల ప్రయోగాలు చేసి ఇతరులను మెప్పిస్తూ వుంటారు.
అయ్యో మనకు ఈ ఐడియా రాలేదే అని ఆశ్చర్యపోయేలా చేస్తారు.అయితే సోషల్ మీడియా అందుబాటులోకి వచ్చాక అలాంటి వారి ప్రతిభ ఎక్కువ మందికి రీచ్ అవుతోందని చెప్పుకోవాలి.
ఇపుడు అలాంటి ఓ వ్యక్తికి సంబంధించినటువంటి వీడియో ఒకటి సోషల్ మీడియాలో వైరల్ అవుతోంది.
తాజాగా ఓ వ్యక్తి తన స్విఫ్ట్ డిజైర్ కారు( Swift Dzire car )ను వినూత్నంగా సిద్ధం చేసి ఆ వీడియోను సోషల్ మీడియాలో పోస్ట్ చేయగా మన నెటిజన్లు ఆ కారుని చూసి షాకవుతున్నారు.అదేమన్నా విదేశాలనుండి దిగుమతి చేసుకున్న స్పోర్ట్స్ కారు( Sports car ) మాదిరిగా ఉందని అంటున్నారు.విశాల్ ఎక్సపెరిమెంటింగ్ అనే ఇన్స్టాగ్రామ్ హ్యాండిల్లో ఆ వీడియో షేర్ చేయగా కొన్ని లక్షలమంది సదరు వీడియో చూసి అవాక్కవుతున్న పరిస్థితి.
ఇక వైరల్ అవుతున్న ఆ వీడియోలో ఓ కారు ధగదగా మెరిసిపోతూ ఉండడం మనం చాలా స్పష్టంగా చూడవచ్చు.
తీరా దగ్గరకు దానిని జూమ్ చేసి చూపించేసరికి మనకు దిమ్మ తిరిగి బొమ్మ కనిపిస్తుంది.విషయం ఏమంటే ఆ కారు మొత్తం రూపాయి కాయిన్లతో( rupee coins ) నిండిపోయి ఉండడం గమనించవచ్చు.కారు బాడీ మీద అద్దాలతో సహా ఆ వ్యక్తి మొత్తం రూపాయి కాయిన్లు అతికించడం అందులో చూడవచ్చు.
ఈ వీడియోను ఇప్పటివరకు ఏకంగా 31 కోట్ల మంది చూడడం విశేషం.కాగా 22 లక్షల మంది లైక్ చేయడం చూడవచ్చు.చాలా మంది ఆ వ్యక్తి ఐడియాను ప్రశంసిస్తూ కామెంట్లు వర్షం కురిపిస్తున్నారు.ఓనర్ తన సాధారణ స్విఫ్ట్ కారును బుల్లెట్ ప్రూఫ్ కారులా మార్చేశాడు అని కొందరంటే బాలీవుడ్ హాట్ గాళ్ ఉర్ఫీ జావేద్ ఈ ఐడియా ఇచ్చి ఉంటుంది అని కొంతమంది కామెంట్స్ చేస్తున్నారు.
