హాలీవుడ్ క్రిటిక్స్ అసోసియేషన్ అవార్డుల కార్యక్రమంలో భాగంగా మెగా పవర్ స్టార్ రామ్ చరణ్ తేజ్ ఈ కార్యక్రమంలో సందడి చేసిన విషయం మనకు తెలిసిందే.అయితే ఈ కార్యక్రమం ద్వారా రామ్ చరణ్ ఒక్కసారిగా ఫేమస్ అవ్వడంతో ఈయన పేరు అంతర్జాతీయ స్థాయిలో మారుమోగిపోతుంది.
ఈ అవార్డుల వేడుకలో భాగంగా రామ్ చరణ్ అవార్డు ప్రజెంటేటర్ గా ఆయన చేతుల మీదుగా అవార్డులు అందించారు.అదేవిధంగా ఈయన నటించిన RRR సినిమాకు ఏకంగా ఐదు అవార్డులు కూడా రావడం విశేషం.
ఈ క్రమంలోనే ప్రస్తుతం అమెరికాలో ఎన్నో ఇంటర్వ్యూలకు హాజరవుతూ పెద్ద ఎత్తున సందడి చేస్తున్నటువంటి రామ్ చరణ్ ఎంతో ఫేమస్ అయ్యారు.ఈ క్రమంలోనే నందమూరి అభిమానులు మాత్రం ఈ విషయంపై తీవ్ర స్థాయిలో మండిపడుతున్నారు.RRRసినిమాలో కేవలం రామ్ చరణ్ మాత్రమే కాదు ఎన్టీఆర్ కూడా నటించారనే విషయాన్ని గుర్తు పెట్టుకోవాలని అయితే రామ్ చరణ్ ను హైలెట్ చేయడం కోసమే ఎన్టీఆర్ ను ఈ కార్యక్రమానికి ఆహ్వానించలేదని, ఇందులో మెగా ఫ్యామిలీ హస్తం చాలా ఉంది అంటూ పెద్ద ఎత్తున విమర్శలు చేస్తున్నారు.
ఇలా తారక్ అభిమానులు ఈ విషయంపై తీవ్ర స్థాయిలో మండిపడుతుండడంతో చివరికి హాలీవుడ్ క్రిటిక్స్ అసోసియేషన్ ఈ విషయంపై స్పందిస్తూ క్లారిటీ ఇచ్చారు.జూనియర్ ఎన్టీఆర్ ను తాము ఈ వేడుకకు ఆహ్వానించలేదని తెలియజేశారు.ఆయన ప్రస్తుతం ఇండియాలో తన కొత్త సినిమాతో బిజీగా ఉన్న నేపథ్యంలోనే ఈ కార్యక్రమానికి ఆహ్వానించలేదని, మా నుంచి ఆయనకు అందాల్సిన అవార్డు అతి త్వరలోనే అందుతుంది అంటూ క్లారిటీ ఇచ్చారు.
నిజానికి ఎన్టీఆర్ కొరటాల శివ సినిమా ఇప్పటికే ప్రారంభం కావాల్సి ఉండగా తారకరత్న మరణంతో ఇది కాస్త వాయిదా పడింది.ఈ కారణాల వల్లనే ఎన్టీఆర్ ను ఈ కార్యక్రమానికి ఆహ్వానించలేదని హాలీవుడ్ క్రిటిక్స్ అసోసియేషన్ పేర్కొంది.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
