తెలుగు సినీ ప్రేక్షకులకు తమిళ స్టార్ హీరో విక్రమ్ గురించి ప్రత్యేకంగా పరిచయం అక్కర్లేదు.తమిళ హీరో అయినప్పటికీ విక్రమ్ తెలుగు ప్రేక్షకులకు కూడా సుపరిచితమే.
కాగా హీరో విక్రమ్ విభిన్న పాత్రలను పోషిస్తూ, ఏ పాత్రలో నటించిన ఆ పాత్రకు నూటికి నూరు శాతం న్యాయం చేయగలిగినటుడు విక్రమ్.అయితే సినిమాలు సక్సెస్ అయినా అవ్వకపోయినా కొత్త కొత్త ప్రయోగాలు చేస్తూ ప్రేక్షకుల కోసం, ప్రేక్షకులకు కొత్తదనాన్ని పరిచయం కోసం పరితపిస్తూ ఉంటాడు.
ఈ క్రమంలోనే సినిమాలలోని పాత్రల కోసం ఎటువంటి ప్రయోగాలు చేయడానికి అయినా కూడా సిద్ధపడుతూ ఉంటాడు.ప్రేక్షకులను మెప్పించడం కోసం మరొకసారి అలాంటి ప్రయోగంతో ప్రేక్షకుల ముందుకు రాబోతున్నాడు విక్రమ్.
తమిళ సినిమాగా తెరకెక్కపోతున్న తంగాలన్ సినిమా ద్వారా ప్రేక్షకులను పలకరించడానికి సిద్ధమవుతున్నాడు.ఈ సినిమాకు పా.రంజిత్ దర్శకత్వం వహిస్తుండగా స్టూడియో గ్రీన్ బ్యానర్ పై జ్ఞానవేల్ రాజా నిర్మిస్తున్నారు.కాగా అప్పట్లో నారాచీ ప్రాంతంలో దళితులపై జరిగిన మారణకాండ ను కథగా చేసుకుని ఈ సినిమాను తెరకెక్కిస్తున్నారు.
ఈ సినిమాలోని పాత్రలో కాస్త డిఫరెంట్ గా కనిపించబోతున్నాడు విక్రమ్.ఆ పాటలో రాటుదేలిన గిరిజన వ్యక్తిగా కనిపించబోతున్నాడు.పొడవైన గుబురు గడ్డం గోచితో సరికొత్త లుక్ లో కనిపించబోతున్నాడు.చేతిలో కర్ర చెవికి పోగులు కడియం అచ్చం ఒక గిరిజన వ్యక్తుల మారిపోయాడు.
ఆ పాత్రలో అలా కనిపించడం కోసం విక్రమ్ చాలా కష్టపడినట్లు తెలుస్తోంది.
ఆ పాత్ర కోసం విక్రమ్ నాలుగు గంటలసేపు కేటాయించి మేకప్ ని వేసుకున్నారట.ఆ పాత్రకి తగిన మేకప్ వేయడానికి నాలుగు గంటలకు పైగా సమయం పట్టిందని తెలిపింది చిత్ర బృందం.ఇది ఒక సినిమాలోని పాత్ర కోసం ఒక స్టార్ హీరో అంత సమయాన్ని కేటాయించడం అది కూడా మేకప్ కోసం విక్రమ్ అంతసేపు ఓపికగా కూర్చోవడం పట్ల విక్రమ్ కు ఉన్న డెడికేషన్ కు సహనానికి నిదర్శనం అంటూ అభిమానులు ప్రశంసలు కురిపిస్తున్నారు.