రోషన్ పెళ్లి సందడి సినిమాతో సినిమాల్లోకి ఎంట్రీ ఇచ్చిన శ్రీలీల చాలా తెలివైన అమ్మయి అని ఇండస్ట్రీలో టాక్ ఉంది.వివాదాస్పద ప్రశ్నలు ఎదురవుతున్నా వాటికి తెలివిగా సమాధానమిస్తూ శ్రీలీల కెరీర్ ను కొనసాగిస్తున్నారు.
తన గురించి నెగిటివ్ కామెంట్ చేసే అవకాశం ఇవ్వకుండా జాగ్రత్తగా అడుగులు వేస్తున్నారు.ఏ మాత్రం తప్పుగా సమాధానమిచ్చినా ట్రోల్స్ చేస్తారని తెలుసు కాబట్టి తన గురించి ట్రోల్స్ రాకుండా ఆమె జాగ్రత్తగా అడుగులు వేస్తున్నారు.
ధమాకా సినిమాలో నటించిన రవితేజ వయస్సు 54 సంవత్సరాలు కాగా అదే సినిమాలో హీరోయిన్ గా నటించిన శ్రీలీల వయస్సు 21 సంవత్సరాలు కావడం గమనార్హం.వీళ్లిద్దరి మధ్య ఏకంగా 33 సంవత్సరాల గ్యాప్ ఉంది.
అయితే ఈ ఏజ్ గ్యాప్ గురించి ఈ మధ్య కాలంలో ట్రోల్స్ ఎక్కువగా వస్తుండగా ఆ ట్రోల్స్ గురించి శ్రీలీలకు ప్రశ్నలు ఎదురయ్యాయి.ఆ ప్రశ్నలకు శ్రీలీల స్పందిస్తూ గొప్పగొప్ప హీరోయిన్లే తమ కంటే ఎక్కువ వయస్సు ఉన్న హీరోలతో నటించారని తెలిపారు.
ఆ హీరోయిన్లు వయస్సు గురించి పట్టించుకోలేదని వాళ్లతో పోల్చి చూస్తే నేనెంత అని ఆమె కామెంట్లు చేశారు.ఏజ్ గురించి వచ్చే ట్రోల్స్ ను తాను అస్సలు లెక్క చేయనని ఆమె హుందాగా స్పందించారు.
శ్రీలీల ప్రస్తుతం పలు క్రేజీ ప్రాజెక్ట్ లతో బిజీ అవుతుండటంతో రాబోయే రోజుల్లో శ్రీలీల దూకుడుకు బ్రేకులు వేయడం కష్టమని కామెంట్లు వ్యక్తమవుతున్నాయి.
శ్రీలీల ప్రస్తుతం కోటి రూపాయలకు అటూఇటుగా రెమ్యునరేషన్ తీసుకుంటుండగా టాలెంట్ పుష్కలంగా ఉన్న ఈ బ్యూటీ సినిమాల్లో మరింత ఎదగడం గ్యారంటీ అని కామెంట్లు వినిపిస్తున్నాయి.కెరీర్ విషయంలో శ్రీలీల ప్లానింగ్ మాత్రం మామూలుగా లేదని నెటిజన్లు అభిప్రాయాలను వ్యక్తం చేస్తున్నారు.హీరోయిన్ శ్రీలీల ఆచితూచి నిర్ణయాలు తీసుకుంటున్నారు.
