రంగారెడ్డి జిల్లా మన్నెగూడ యువతి కిడ్నాప్ కేసులో పోలీసులు దర్యాప్తు ముమ్మరంగా కొనసాగుతోంది.వైశాలిని కిడ్నాప్ చేసిన కీలక నిందితుడు నవీన్ రెడ్డి కోసం పోలీసులు విస్తృతంగా గాలిస్తున్నారు.
విచారణలో భాగంగా యువతి కిడ్నాప్ కోసం వినియోగించిన కారును శంషాబాద్ లో పోలీసులు గుర్తించారు.అదేవిధంగా నిందితుడు నవీన్ రెడ్డి నేరచరిత్రపై పోలీసులు ఆరా తీస్తున్నారు.ఈ క్రమంలోనే నవీన్ రెడ్డిపై గతంలో రెండు కేసులు నమోదు అయినట్లు పోలీసులు తెలిపారు.2019వ సంవత్సరం వరంగల్ లో నవీన్ రెడ్డిపై చీటింగ్, ఐటీ సెక్షన్స్ కింద కేసు నమోదైందని, అదే ఏడాదిలో కాచిగూడ పీఎస్ లో రోడ్డు యాక్సిడెంట్ కేసు నమోదు అయిందని పోలీసులు వెల్లడించారు.ఈ నేపథ్యంలో నిందితుడిపై పీడీ యాక్ట్ నమోదు చేస్తామని రాచకొండ సీపీ భగవత్ తెలిపారు.
