ప్రస్తుత సమాజంలో ఉన్న మనుషుల జీవితాలు బిజీ బిజీగా కొనసాగుతున్నాయి.ఈ బిజీ లైఫ్ లో కొంతమంది తమ ఆరోగ్యాలపై అంత శ్రద్ధ తీసుకోరు.
కానీ కొంతమంది మాత్రం వారి ఆరోగ్యాలపై చాలా శ్రద్ధ తీసుకుంటూ ఉంటారు.మనం ఎంత బిజీగా ఉద్యోగంలో పనిచేస్తూ ఉన్నా మన శరీరం ఆరోగ్యంగా ఉండడం చాలా ముఖ్యం.
అందువల్ల బిజీగా ఉండే చాలామంది ఉద్యోగులు ఆరోగ్యం పై కూడా శ్రద్ధ తీసుకోవాలి.తాజా దానిమ్మ పండు రసం తీసుకోవడం వల్ల మన ఆరోగ్యానికి చాలా మంచిది.
అయితే ఈ రసాన్ని ఉదయం ఖాళీ కడుపుతో తీసుకోవడం వల్ల మరింత ఎక్కువ ఆరోగ్య ప్రయోజనాలు ఉన్నాయి.ఖాళీ కడుపుతో దానిమ్మ రసం త్రాగడం వల్ల మన శరీరంలో రక్తం వృద్ధి చెంది మనం రోజంతా శక్తివంతంగా పనిచేస్తుంది.
దానిమ్మలో విటమిన్ కె, విటమిన్ బి, పొటాషియం తోపాటు ఇంకా చాలా విటమిన్లు ఉంటాయి.
ఇలా ప్రతిరోజు ఉదయం దానిమ్మ రసాన్ని త్రాగడం వల్ల రక్తహీనత సమస్య తగ్గుతుంది.
మన శరీరంలో ఎర్ర రక్త కణాలు పెరుగుతాయి.దానిమ్మ లో ఉండే విటమిన్ సి, విటమిన్ ఎ వల్ల రోగ నిరోధక శక్తి కూడా పెరుగుతుంది.
దానిమ్మ రసంలో యాంటీ ఆక్సిడెంట్ గుణాలు ఉండటం వల్ల మన చర్మం మెరుస్తూ ఉంటుంది.గర్భిణీ స్త్రీలకు దానిమ్మ రసం అమృతం అనే చెప్పాలి.
ఎందుకంటే ఈ రసంలో ఎన్నో విటమిన్లు ఐరన్ పోషకాలు ఎక్కువగా ఉంటాయి.రక్తహీనత సమస్య వల్ల బాధపడే గర్భిణీ స్త్రీలకు ఈ రసం ఎంతో ఉపయోగపడుతుంది.
దానిమ్మ రసం కొలెస్ట్రాల్ ను నియంత్రించి గుండెకు ఎంతో మేలు చేస్తుంది.ఈ దానిమ్మ రసం తీసుకోవడం వల్ల అధిక రక్తపోటు సమస్య కూడా తగ్గుతుంది.
