ఈ ఏడాది థియేటర్లలో విడుదలై బ్లాక్ బస్టర్ హిట్ గా నిలిచిన సినిమాలలో సీతారామం సినిమా కూడా ఒకటనే సంగతి తెలిసిందే.45 కోట్ల రూపాయల భారీ బడ్జెట్ తో వైజయంతీ మూవీస్ బ్యానర్ పై తెరకెక్కిన ఈ సినిమా ప్రేక్షకులను ఎంతగానో ఆకట్టుకుంది.ప్రస్తుతం సీతారామం సినిమా అమెజాన్ ప్రైమ్ లో స్ట్రీమింగ్ అవుతోంది.వేర్వేరు కారణాల వల్ల థియేటర్లలో ఈ సినిమాను చూడని వాళ్లు ప్రస్తుతం ఈ సినిమాను అమెజాన్ ప్రైమ్ లో చూసి అభిప్రాయాన్ని పంచుకుంటున్నారు.
అయితే సోషల్ మీడియాలో మెజారిటీ ప్రేక్షకులు ఈ సినిమా గురించి పాజిటివ్ గా చెబుతుండగా కొంతమంది మాత్రం ఈ సినిమా గురించి నెగిటివ్ గా చెబుతుండటం గమనార్హం.మల్లీశ్వరి సినిమాలో హీరోయిన్ యువరాణి అని పెళ్లి కాని ప్రసాద్ పాత్ర పోషించిన వెంకటేష్ కు తెలియదని సీతారామం సినిమాలో కూడా అదే విధంగా జరుగుతుందని కొందరు నెటిజన్లు కామెంట్లు చేస్తున్నారు.
ఈ రెండు సినిమాలలో ఫైట్ సీన్ ద్వారా హీరో హీరోయిన్ మనస్సుకు దగ్గరవుతాడని మరి కొందరు అభిప్రాయం వ్యక్తం చేస్తున్నారు.
మల్లీశ్వరి సినిమాలో వెంకటేష్ ఏ విధంగా జీతం గురించి చెబుతాడో ఈ సినిమాలో హీరో కూడా తన జీతం గురించి అదే విధంగా చెబుతాడని కామెంట్లు చేస్తున్నారు.రెండు సినిమాల మధ్య పోలికలకు సంబంధించిన వీడియోలు సైతం నెట్టింట వైరల్ అవుతున్నాయి.
ఏ సినిమాకు అయినా మరో సినిమాతో పోలికలు ఉండటం కామన్ అని అంత మాత్రం చేత కాపీ అని కామెంట్ చేయడం కరెక్ట్ కాదని మరి కొందరు చెబుతున్నారు.వైరల్ అవుతున్న కామెంట్ల గురించి సీతారామం మేకర్స్ ఏ విధంగా స్పందిస్తారో చూడాల్సి ఉంది.సీతారామం నిర్మాతలకు భారీ స్థాయిలో లాభాలను అందించింది.
