సూర్యాపేట జిల్లా:ఆదివారం రాష్ట్ర పోలీసు నియామక బోర్డు అధ్వర్యంలో జరిగిన ఎస్ఐ ప్రిలిమినరీ పరీక్ష జిల్లాలో ప్రశాంతంగా ముగిసిందని జిల్లా ఎస్పీ రాజేంద్రప్రసాద్ తెలిపారు.జిల్లాలో ఏర్పాటు చేసిన 23 పరీక్షా కేంద్రాల్లో అభ్యర్థులు సకాలంలో హాజరై పరీక్ష రాశారని,8637 మంది అభ్యర్థులకు గాను 8160 మంది అభ్యర్థులు పరీక్షకు హాజరైనారని,437 మంది ఆబ్సెంట్ అయినట్లు ఎస్పీ తెలిపారు.
ప్రత్యేక బందోబస్తు మధ్య జిల్లాలో పరీక్ష నిర్వహించామన్నారు.ఇద్దరు డిఎస్పీలు పటిష్టమైన బందోబస్త్ ఏర్పాట్లు చేశారని,సుార్యాపేట్ డిఎస్పీ పరికె నాగభూషణం జిల్లా నోడల్ అధికారిగా పర్యవేక్షణ చేశారని అన్నారు.
సూర్యాపేట ఎస్వీ డిగ్రీ కళాశాల ప్రిన్సిపాల్ వెంకటేశ్వర్లు,కోదాడ కెఆర్ఆర్ డిగ్రీ కళాశాల ప్రిన్సిపాల్ నాగు ఇద్దరు పరీక్ష రీజినల్ కో-ఆర్డినేటర్స్ గా పని చేసినట్లు తెలిపారు.ఎలాంటి అవాంచనీయ సంఘటనలు చోటు చేసుకోకుండా ప్రశాంతంగా ముగిసిందని,పరీక్ష నిర్వహణలో పని చేసిన పోలీసు సిబ్బంది,కళాశాల సిబ్బంది అందరికీ ఎస్పీ అభినందనలు తెలిపారు.
కోదాడ డిఎస్పీ వెంకటేశ్వరరెడ్డి,సిఐలు,ఎస్ఐలు,సిబ్బంది విధులు నిర్వర్తించారని చెప్పారు.
అభ్యర్థులు ఎవ్వరూ మోసపోవద్దు.
పరీక్షా కాలాన్ని,ఉద్యోగ నియామకాలను అదునుగా చేసుకుని కొంతమంది మోసగాళ్ళు ఉద్యోగాలు ఇప్పిస్తామని మాయమాటలు చెప్తారని,ఉద్యోగ ప్రయత్నం చేస్తున్న అభ్యర్థులు ఇలాంటి మాయమాటలకు లోబడి మోసపోవద్దని ఎస్పీ కోరారు.రాష్ట్ర పోలీసు నియామక సంస్థ అధ్వర్యంలో పారదర్శకంగా నియామకాలు జరుగుతాయని, ఉద్యోగాలు ఇప్పిస్తామని అంటే డబ్బులు కట్టవద్దని, ఇలాంటి వారు ఎవరైనా మిమ్ములను ప్రలోభాలకు గురి చేస్తే పోలీసు వారికి సమాచారం ఇవ్వాలని సూచించారు.
