శ్రీకాంత్ తనయుడు రోషన్ హీరోగా శ్రీ లీలా హీరోయిన్ గా గౌరీ రోనంకి దర్శకత్వంలో తెరకెక్కిన చిత్రం పెళ్లి సందD. ఈ సినిమా ప్రముఖ దర్శకేంద్రుడు రాఘవేంద్రరావు దర్శక పర్యవేక్షణలో తెరకెక్కింది.
ఇక ఈ సినిమాలో మొదటిసారిగా దర్శకేంద్రుడు రాఘవేంద్రరావు కీలక పాత్రలో నటించారు.అయితే ఈ సినిమా థియేటర్లో విడుదలైనప్పటికీ బాక్సాఫీస్ వద్ద పెద్దగా కలెక్షన్లను రాబట్ట లేకపోయింది.
ఇలా కలెక్షన్ల విషయంలో విఫలమైన ఈ సినిమా అనంతరం జీ5 లో స్ట్రీమింగ్ అయ్యి ప్రేక్షకులను సందడి చేసింది.
ఇకపోతే తాజాగా ఈ సినిమా వరల్డ్ టెలివిజన్ ప్రీమియర్ గా బుల్లితెరపై ప్రసారమైంది.
ఈ సినిమా థియేటర్లోనూ డిజిటల్ మీడియాలోనూ ప్రేక్షకులను ఆకట్టుకోలేకపోయినా బుల్లితెరపై మాత్రం ప్రేక్షకులను విపరీతంగా ఆకట్టుకుంది.తాజాగా ఈ ప్రీమియర్ షో కి సంబంధించిన రేటింగ్ రావడంతో ఈ రేటింగ్ చూస్తే మాత్రం ఈ సినిమా బుల్లితెరపై దుమ్ములేపిందని చెప్పాలి.ఆర్కె ఫిలిం అసోసియేషన్ మరియు ఆర్కా మీడియా వర్క్స్ బ్యానర్లపై తెరికెక్కిన ఈ సినిమా టెలివిజన్ లో ప్రసారమవుతు ఏకంగా 8.62 రేటింగ్ సంపాదించుకుందని తెలుస్తుంది.
థియేటర్లో ప్రేక్షకులను ఆకట్టుకోలేకపోయిన ఈ సినిమాకు బుల్లితెరపై ఈ విధమైనటువంటి రేటింగ్ రావడంతో చిత్ర బృందం సంతోషం వ్యక్తం చేస్తున్నారు.ఇక నటి శ్రీ లీలకు ఈ సినిమా డెబ్యూ మూవీ అయినప్పటికీ ఈ సినిమాలో ఈమె నటనకు ఫిదా అయ్యారు.ఈ క్రమంలోనే ఈ ముద్దుగుమ్మ ప్రస్తుతం తెలుగు కన్నడ సినిమాలతో ఎంతో బిజీగా గడుపుతున్నారు.ఇండస్ట్రీలో యంగ్ హీరోలు అందరూ చూపు ఈ హీరోయిన్ పైనే ఉందని చెప్పాలి.
తెలుగు వార్త విశేషాలు సులభముగా తెలుసుకోండి!!!!
