టాలీవుడ్ హీరో సిద్దు జొన్నలగడ్డ గురించి మనందరికీ తెలిసిందే.గుంటూరు టాకీస్, కృష్ణ అండ్ హిస్ లీల, మా వింతగాథ వినుమా లాంటి సినిమాల్లో నటించి నటిగా మంచి గుర్తింపు తెచ్చుకోవడమే కాకుండా రచయితగా కూడా మంచి పేరు తెచ్చుకున్నాడు సిద్దు జొన్నలగడ్డ.
సిద్దు జొన్నలగడ్డ, నేహ శెట్టి జంటగా నటించిన చిత్రం డీజే టిల్లు.ఈ సినిమా ఇటీవలే ఫిబ్రవరి 12న విడుదల అయిన విషయం తెలిసిందే.
కామెడీ ఎంటర్ టైనర్ గా తెరకెక్కిన ఈ సినిమాకు ప్రేక్షకుల నుంచి బాగానే స్పందన లభించింది.
మొదట చిన్న సినిమాగా విడుదలైన ఈ సినిమా బాక్స్ ఆఫీస్ వద్ద సూపర్ హిట్ టాక్ ను అందుకుంది.
ఈ సినిమా విడుదల అయ్యి ప్రేక్షకులతో అట్లుంటది మనతోని అన్న విధంగా చేసింది.అయితే ఈ సినిమా కంటే ముందు సిద్దు జొన్నలగడ్డ పలు సినిమాలో నటించినప్పటికీ రాని గుర్తింపు, క్రేజ్ ఒక్కసారిగా ఈ సినిమాతో దక్కింది.
ఈ సినిమా తర్వాత సిద్దు జొన్నలగడ్డకు విపరీతమైన ఫ్యాన్స్ ఫాలోయింగ్ పెరిగిపోయింది.డీజే టిల్లు సినిమాతో ఏకంగా 12 ఏళ్ల తర్వాత సిద్దు జొన్నలగడ్డకు పూర్తిస్థాయిలో పేరు వచ్చింది.
ఇక భారీ స్థాయిలో హిట్ అయిన డీజే టిల్లు సినిమాకు సీక్వెల్ కూడా ప్లాన్ చేశారు డీజే టిల్లు నిర్మాతలు.
ఇదిలా ఉంటే తాజాగా అందిన సమాచారం ప్రకారం ఈ సినిమా సీక్వెల్ నుంచి డైరెక్టర్ విమల్ కృష్ణ తప్పుకున్నట్లు వార్తలు జోరుగా వినిపిస్తున్నాయి.
అయితే ఈ సినిమా మొదలైన తర్వాత హీరో సిద్దు జొన్నలగడ్డ, దర్శకుడు విమల్ కృష్ణ మధ్య చిన్న చిన్న గొడవలు జరిగాయని ఆ విషయంలో దర్శకుడు విమల కృష్ణ హర్ట్ అయ్యి ఈ ప్రాజెక్టు నుంచి తప్పుకున్నట్టు పెద్ద ఎత్తున వార్తలు వినిపిస్తున్నాయి.కాగా విమల్ వెళ్ళిపోవడంతో ప్రస్తుతం ఈ సీక్వెల్ సినిమాకు అన్ని తానై చూసుకుంటున్నాడట సిద్ధు జొన్నలగడ్డ. విమల్ క్రిష్ణ స్థానంలోకి మరొక కొత్త డైరెక్టర్ వచ్చినట్లు వార్తలు వస్తున్నాయి.త్వరలో ఈ ప్రాజెక్ట్‌ గురించి,ఆ కొత్త డైరెక్టర్ ఎవరు అన్న విషయాలు తెలియాల్సి ఉంది.
ఈ సినిమా నుంచి తప్పుకున్న దర్శకుడు విమల్ కృష్ణ అక్కినేని హీరో నాగ చైతన్య కోసం ఒక కథను సిద్ధం చేసినట్టు తెలుస్తోంది.
తెలుగు వార్త విశేషాలు సులభముగా తెలుసుకోండి!!!!
