ఆచార్య చాణక్య తన తెలివితేటలు, వివిధ విషయాలలో తనకున్న ప్రావీణ్యం కారణంగా ఇప్పటికీ ఉత్తమ పండితునిగా గుర్తింపు పొందుతున్నాడు.ఆచార్య చాణక్య గొప్ప వ్యూహకర్త, దౌత్యవేత్త, ఆర్థికవేత్తగా పేరుగాంచాడు.
చాణక్యుడు అనేక గ్రంథాలను కూడా రచించాడు.అవి ఇప్పటికీ మానవులకు ఉపయుక్తంగా ఉన్నాయి.
ఆయన రచించిన గ్రంథాలలోని వెల్లడించిన నీతిదాయక విషయాలు ఇప్పటికీ ఎంతో ప్రాచుర్యంలో ఉన్నాయి.ఆచార్య చాణక్య రచించిన నీతి సూత్రాలు చాణక్య నీతి రూపంలో మనకు అందుబాటులో ఉన్నాయి.
ఇందులో మనిషి జీవితానికి సంబంధించిన ముఖ్యమైన విషయాలు తెలియజేశారు.జీవితంలో ఈ విషయాలపై శ్రద్ధ వహిస్తే, అనేక సమస్యలను నివారించవచ్చు.
జీవితాన్ని సంతోషంగా గడపవచ్చు.ఆచార్య చాణక్య తెలిపిన వివరాల ప్రకారం మనిషి తనకు సంబంధించిన కొన్ని విషయాలను ఎవరికీ చెప్పకూడదు.
అలాకాదని అందరికీ చెబితే చిక్కుల్లో పడతారని ఆచార్య చాణక్య హెచ్చరించారు.
భార్యాభర్తల మధ్య విషయాలు:చాణక్య నీతిలో తెలిపిన వివరాల ప్రకారం ఒక వ్యక్తి తన వైవాహిక జీవితానికి సంబంధించిన విషయాలను ఇతరులతో ఎప్పుడూ పంచుకోకూడదు.భార్యాభర్తల మధ్య జరిగే సంభాషణలను వారిలోనే ఉంచుకోవాలి.ప్రత్యేకించి మీకు, మీ జీవిత భాగస్వామికి మధ్య ఏవైనా గొడవలు ఉన్నట్లయితే, మీకు నమ్మకమైన స్నేహితుడైనప్పటికీ మూడవ వ్యక్తికి అస్సలు చెప్పకూడదు.
అలాకాదని మీ వ్యక్తిగత విషయాలు ఇతరులతో పంచుకుంటే సమాజంలో గౌరవం కోల్పోవాల్సి వస్తుంది.దీనితో పాటు భార్యా భర్తల సంబంధంలో చీలికలు ఏర్పడతాయి.
మీ పనికి సంబంధించిన ప్రణాళిక:
ఒక వ్యక్తి తన పనికి సంబంధించిన ముఖ్యమైన విషయాలను లేదా ప్రణాళికలను ఇతరుల ముందు ఎప్పుడూ ప్రస్తావించకూడదని ఆచార్య చాణక్య తెలిపారు.దీని కారణంగా మీరు పనిచేసే ప్రదేశంలో ఇబ్బంది పడవలసి వస్తుంది.
అలాగే చేయబోయే పనిలో విజయం సాధించే అవకాశాలు తగ్గుతాయి.అందుకే ఎవరైనా తమపని పూర్తయిన తర్వాతనే ఇతరులకు చెప్పాలి.
