త్రివిక్రమ్‌ ఇంకా ఎప్పుడు మారుతాడు?

ముఖ్యంగా అత్తారింటికి దారేది సినిమా నుండి మొదలుకుని మొన్నటి అరవింద సమేత త్వరలో విడుదల కాబోతున్న అల వైకుంఠపురంలో సినిమాల బడ్జెట్‌లు నిర్మాతలకు గుబులు పుట్టిస్తున్నాయి.ఒక చిన్న హీరో అయిన నితిన్‌తో ఏకంగా 40 కోట్లు ఖర్చు పెట్టి అఆ చిత్రాన్ని తెరకెక్కించాడు.ఇక అల వైకుంఠపురంలో సినిమాకు దాదాపుగా 60 కోట్లు ఖర్చు చేశాడనే టాక్‌ వినిపిస్తుంది.సామజవరగమనా అనే పాట కోసం 5.5 కోట్ల రూపాయలను త్రివిక్రమ్‌ ఖర్చు చేశాడంటూ సినీ వర్గాల ద్వారా సమాచారం అందుతోంది.

అల్లు అరవింద్‌ ఈ చిత్రం బడ్జెట్‌ను ఎంత నియంత్రించేందుకు ప్రయత్నించినా కూడా త్రివిక్రమ్‌ మాత్రం ముందుకు దూసుకు వెళ్లాడట.మరో నిర్మాత రాధాకృష్ణ పూర్తి సపోర్ట్‌ ఇవ్వడం వల్లే త్రివిక్రమ్‌ భారీగా సినిమా చేశాడు.త్రివిక్రమ్‌ బడ్జెట్‌ను కేవలం రాధాకృష్ణ మాత్రమే తట్టుకోగలడు.

అందుకే వరుసగా త్రివిక్రమ్‌ ఆయన బ్యానర్‌లోనే చేస్తున్నాడు.త్రివిక్రమ్‌ ఈ భారీ బడ్జెట్‌ చిత్రాలను ఇంకా ఎప్పటికి మానేస్తాడో చూడాలి.