ఆర్ ఎక్స్ 100 సినిమాతో టాలీవుడ్ లో ఎంట్రీ ఇచ్చిన పంజాబీ ముద్దుగుమ్మ పాయల్ రాజ్ పుత్ ఒక్కసారిగా టాలీవుడ్ లో క్రేజీ హీరోయిన్ గా మారిపోయింది.మొదటి సినిమాతో ఓ వైపు అందాలు, మరో వైపు పెర్ఫార్మెన్స్ తో టాలీవుడ్ ఆడియన్స్ ని ఆకట్టుకున్న ఈ భామకి తెలుగులో ఊహించని విధంగా భారీ క్రేజ్ వచ్చేసింది.
దీంతో వరుసగా రవితేజతో డిస్కో రాజా, అలాగే వెంకి మామాలో వెంకటేష్ కి జోడీగా నటించే అవకాశం సొంతం చేసుకుంది.ప్రస్తుతం ఈ రెండు సినిమాలు సెట్స్ పై ఉన్నాయి.
ఇదిలా ఉంటే ఈ ముద్దుగుమ్మ తాజాగా మరో కొత్త సినిమాని మొదలెట్టింది.ఆర్డీఎక్స్ టైటిల్ తో తెరకెక్కుతున్న ఈ సినిమా ప్రారంబోత్సవం తాజాగా జరుపుకుంది.సి కళ్యాణ్ నిర్మిస్తున్న ఈ సినిమాతో శంకర్ భాను దర్శకుడుగా పరిచయం అవుతున్నాడు.ఇక ఈ సినిమా టైటిల్ కి తగ్గట్లుగానే పాయల్ రాజ్ పుత్ పాత్ర చాలా హాట్ అండ్ బోల్డ్ గా ఉండబోతుంది అని తెలుస్తుంది.
ఇక ఈ సినిమాలో రాడాన్ మ్యూజిక్ అందిస్తున్నాడు.మరి పాయల్ ఈ సినిమాతో ఆర్డీఎక్స్ బాంబ్ లో మరోసారి గట్టిగా పేలుతుందో లేదో చూడాల్సిందే.
